વરણી:સહકારી સંસ્થામાં ચેરમેનનો કાર્યભાર સંભાળતા સંઘાણી, NCUIના ચેરમેન પદે બિનહરીફ ચૂંટાયા હતાં

દિલ્હીમાં દેશની સર્વોચ્ચ સહકારી સંસ્થા એનસીયુઆઈમાં દિલીપભાઈ સંઘાણીએ આજે ચેરમેન પદનો કાર્યભાર સંભાળ્યો હતો. કચેરીમાં પ્રવેશ સાથે જ સંઘાણીએ એન.સી.યુ.આઈની આગળની કામગીરી અંગે માહિતી મેળવી અને કર્મચારીગણની સમસ્યા સાંભળી હતી. ખેડૂત નેતા તરીકે જાણીતા દિલીપભાઈ સંઘાણીની દેશની સર્વોચ્ચ સહકારી સંસ્થા એન.સી.યુ.આઈના ચેરમેન તરીકે તાજેતરમાં વરણી કરાઇ હતી. ત્યારે આજે દિલ્હી ખાતે આવેલ એન.સી.યુ.આઈના કાર્યાલય ખાતે દિલીપભાઈ સંઘાણીએ કાર્યભાર સંભાળ્યો છે. અહીં તેમણે એન.સી.યુ.આઈ સંસ્થાની કામગીરી,બજેટ, આવકના સ્ત્રોત અને ખર્ચ સહિતની કામગીરી અંગે માહિતી મેળવી હતી.

તેમજ કર્મચારીઓની સુવિધા અને સમસ્યા માટે પર સંભાળ લીધી હતી.દિલ્હીમાં યોજાયેલા કાર્યક્રમમાં આઇસીએના રીજીયલ ડાયરેક્ટર બાલુ ઔયર, નાફેડના એમડી સંજીવકુમાર ચઢ્ઢા, હરિયાણાના પૂર્વ મંત્રી રામવીલાસ શર્મા, ઓ.વી.આર. રામચંદ્રન અને એન.સી.યુ.આઈના સત્યનારાયણ વિગેરે ઉપસ્થિત રહ્યા હતા.