વિરોધ પ્રદર્શન:બગસરા શહેરના નદીપરા વિસ્તારમાં ભારે વાહનોનો વિરોધ, મહિલાઓએ રસ્તા પર ઉતરી સૂત્રોચ્ચાર કર્યા

અમરેલી જિલ્લાના બગસરા શહેરમા આવેલા નદીપરા વિસ્તાર ના માર્ગે ભારે વાહનોની અવર જવર કરતા હોવાને કારણે સ્થાનિકો ભારે પરેશાન છે અહીં રહેણાંક વિસ્તાર અને રહીશોની અવર જવરના કારણે વાંરવાર નાના મોટા અકસ્માતની ઘટના બની રહી છે છતા તંત્ર દ્વારા કોઈ નિર્ણય નહિ કરતા આખરે આજે બીજી વખત સ્થાનિક મહિલાઓનું ટોળુ માર્ગ પર આવી ચક્કાજામ કર્યો હતો. જ્યારે અહીં આ પ્રશ્ન બાબતે વાંરવાર રજૂઆતો સ્થાનીક તંત્ર ને કરાય છે પરંતુ કોઈ નિરાકરણ નથી આવતુ જેના કારણે મહિલાઓમા રોષ ફાટી નીકળ્યો છે.

જ્યારે મહત્વ ની બાબત એ છે બગસરા માં બાયપાસ હોવા છતા શહેર માંથી ભારે વાહનો પસાર થાય છે તેના કારણે વધુ રોષ જોવા મળી રહ્યો છે આજે અહીં રસ્તા વચ્ચે મહિલા ઓ ઉભા રહી 'હમારી માંગે પુરી કરો'ના સૂત્રોચ્ચાર સાથે નારાજગી દર્શાવી હતી અને રોષ વ્યકત કર્યો છે.

સ્થાનિક યુવતી નર્દીસરા પઠાણ એ કહ્યું રોષ સાથે અમે કેટલી વખત તંત્ર ને અરજીઓ આપી અગાવ 1 બાળકનો અકસ્માત થયો હતો. મહેરબાની કરી ભારે વાહનો બંધ કરો તમને હાથ જોડીએ છીએ આજે અમે ચક્કાજામ કર્યું છે, કેટલીક વખત અરજી કરવી અમારે અમારી ઊંઘ પણ હરામ થઈ છે.