માંગ:નવનિર્મિત જિલ્લા પંચાયત બિલ્ડીંગનું નામકરણ કરો

અમરેલીમા તાજેતરમા જિલ્લા પંચાયતનુ નવનિર્મિત બિલ્ડીંગ બન્યું છે. ત્યારે જિલ્લાના દલિત સમાજ તેમજ લોક અધિકાર મંચ સહિત સંસ્થાઓ દ્વારા આ બિલ્ડીંગનુ ડો.બાબા સાહેબ આંબેડકર નામકરણ કરવા માંગ કરવામા આવી છે.

લોક અધિકાર મંચ તેમજ જિલ્લાના દલિત સમાજના આગેવાનો દ્વારા માંગણી કરવામા આવી હતી કે જિલ્લા પંચાયતમા 34 સભ્યોની પાંચ વર્ષની ટર્મ તા. 21/12ના રોજ પુર્ણ થવા જઇ રહી છે. આખરી સામાન્ય સભા તા. 7/12ના રોજ થવાની હોય તેમા ડીડીઓ, પંચાયતના સભ્યો, પ્રમુખ, ચેરમેન સહિત હાજર રહેવાના હોય આ સામાન્ય સભામા જિલ્લા પંચાયતના નવા બિલ્ડીંગનુ ડો.બાબા સાહેબ આંબેડકર નામકરણ કરવામા આવે તેવી માંગણી કરવામા આવી હતી. આ ઉપરાંત જિલ્લાના તમામ કચેરીઓના અધિકારીની ચેમ્બરમા ડો. આંબેડકરના તૈલીચિત્ર મુકવાની પણ માંગ કરાઇ હતી.