બેદરકાર તંત્ર:અમરેલીના મણીનગર નજીક ગંદકીના ઢગથી મચ્છરનો ઉપદ્રવ

અમરેલીના શહેરમાં સફાઈનો અભાવ ઠેરઠેર જોવા મળે છે. મણીનગરમાં આવેલ ઓપન જેલ પાસે ઘણા સમયથી ગંદકી જોવા મળે છે. ઉપરાંત હઠીલા હનુમાન રોડ પર પાલિકાએ કચરો ઠાલવવા માટે મનાઈ ફરમાવેલ છે. તેમજ નોટીસ બોર્ડ અને કેમેરાની દેખરેખ હેઠળ છો કચરો નાખવામાં આવશે. તો કાર્યવાહી કરવાના સૂચન પણ લગાવ્યા છે. છતાં પણ અહીં કચરાના ઢગ સર્જાય છે. મણીનગરમાં સમયસર સફાઈ થતી નથી. જેના કારણે ઓપન જેલ પાસે રોડ પર જ ગંદકી જોવા મળે છે. જેના કારણે સ્થાનિક લોકો મચ્છરના ઉપદ્રવથી પરેશાન બન્યા છે. ત્યારે પાલિકા શહેરમાં સમયસર સફાઈ કરાવે તેવી શહેરવાસીઓમાં માંગ ઉઠી છે.