પાસા હેઠળ કાર્યવાહી:અમરેલી જિલ્લામાં મિલકત સબંધી ગુનાઓ આચરનાર ઇસમને અમદાવાદની મધ્યસ્થ જેલમાં ધકેલવામાં આવ્યો

અમરેલી જિલ્લા મેજિસ્ટ્રેટ તથા પોલીસ અધિક્ષક દ્વારા પાસા હેઠળ એક ઈસમ વિરૂદ્ધ કાર્યવાહી કરવામાં આવી છે. મિલકત સબંધી ગુનાઓ સતત આચરતા ઇસમને પાસા હેઠળ અમદાવાદની મધ્યસ્થ જેલમાં ધકેલવામાં આવ્યો છે.
ગુનેગારો અને અસામાજીક તત્વો અને ગેરકાયદેસર પ્રવૃતિ સાથે સંકળાયેલ ઇસમો સામે પાસા અને તડીપારના કાયદા હેઠળ અટકાયતી પગલા લેવા સુચના મળતા અમરેલી પોલીસ અધિક્ષક હિમકર સિંહ દ્વારા અમરેલી જિલ્લામાં વાહન ચોરી, લૂંટ સહિતના મિલકત-સબંધી ગુનાઓ કરવાની ટેવ વાળા ઇસમો, કે જે નાગરિકોની માલ- મિલ્કતની ચોરી કરતા હોય, આવા મિલકત સબંધી ગુનાઓ આચરતા ભયજનક ઇસમો સામે કડક હાથે કાર્યવાહી કરવા અને આવા ગુનેગારોને કાયદાનું ભાન થાય, તેમજ જિલ્લામાં કાયદો અને વ્યવસ્થા સુદઢ બને, તે માટે પાસા-તડીપારના પ્રવર્તમાન કાયદાઓ હેઠળ કાર્યવાહી કરવા સૂચના અને માર્ગદર્શન આપવામાં આવ્યું હતું. જેને પગલે ચલાલા પોલીસ દ્વારા ધારી ચલાલા વિસ્તારમાં ચોરી, ઘરફોડ ચોરીઓના ગુનાઓ કરતા ઇસમ અમીત વિજયભાઇ સોલંકી વિરૂદ્ધ પુરાવાઓ એકઠા કરી પાસા દરખાસ્ત તૈયાર કરી પોલીસ અધિકક્ષ અમરેલી મારફતે જિલ્લા મેજિસ્ટ્રેટને મોકલ્યો હતો. લોકોની માલ મિલકત જેના કારણે જોખમમાં મુકામ શકે તેવા ઇસમની સમાજ-વિરોધી પ્રવૃત્તિ પર અંકુશ લાવવાનું જરૂરી જણાતા અમરેલી જિલ્લા મેજિસ્ટ્રેટ ગૌરાંગ મકવાણા દ્વારા ઉપરોકત ઇસમ વિરૂધ્ધ પાસાનું વોરંટ ઇસ્યુ કર્યું હતું. જેથી અમરેલી પોલીસ અધિક્ષક હિમકર સિંહ દ્વારા સુચના આપતા અમરેલી એલ.સી.બી. પોલીસ ટીમ દ્વારા અમીત વિજયભાઇ સોલંકીને પાસા વોરંટની બજવણી કરી અમદાવાદ મધ્યસ્થ જેલ ખાતે મોકલી આપ્યો છે.
​​​​​​​આરોપીનો ગુનાહિત ઇતિહાસ
​​​​​​​ધારી, ચલાલા બંને પોલીસ સ્ટેશનમાં અલગ-અલગ 4 જેટલા ગુના નોંધાયેલા હોવાને કારણે પોલીસ દ્વારા પાસા હેઠળની કાર્યવાહી હાથ ધરાઈ હતી. આમ મિલકત સબંધી ગુનાઓ આચરતા અને જનતાની માલ-મિલકત માટે જોખમરૂપ ઇસમ સામે પાસા હેઠળ કાર્યવાહી કરી, જેલ હવાલે કરી અસામાજિક પ્રવૃતિ કરતા ઇસમો સામે ચેતવણીરૂપ કામગીરી કરવામાં આવી છે.