આત્મહત્યા:ખાંભા તાલુકાના બાબરપરા ગામે જંગલમાં સાધુએ ઝાડ પર લટકી ગળેફાંસો ખાઇ લીધો

ખાંભાના બાબરપરાના જંગલમાં ભૂલવડી નદીના કાંઠે અજાણ્યા સાધુએ ઝાડ પર ગળા ફાંસો ખાધો હતો. અહીં કોહવાયેલી હાલતમાં મૃતદેહ મળતા પોલીસે વધુ તપાસ હાથ ધરી હતી. આ અંગે વન કર્મીએ ખાંભા પોલીસમાં જાણ કરી હતી.ખાંભા ના બાબરપરા ગામ નજીક ભૂલવડી નદીના કાંઠે 55 વર્ષીય સાધુએ ખાખરાના ઝાડ પર ગળાફાંસો ખાઈ જીવન ટુંકાવ્યું હતું.

જેની જાણ વન કર્મી લાલજીભાઇ ભાયાભાઇ રાતડીયાએ પોલીસને કરી હતી. જેના કારણે ખાંભા પોલીસે ઘટના સ્થળે પહોંચી કોહવાયેલી હાલતમાં મૃતદેહને પી.એમ.અર્થે હોસ્પિટલમાં ખસેડયો હતો. જંગલ વિસ્તારમાં ગળાફાંસાની ઘટનાને પગલે મૃતક સાધુ કોણ છે અને શા માટે આપઘાત કર્યો તે દિશામાં પોલીસે વધુ તપાસ હાથ ધરી હતી.આ સાધુનું મોત ત્રણ-ચાર દિવસ પહેલા થયું હોવાનું મનાય છે. જેને પગલે લાશ કોહવાઈ ગયેલી હાલતમાં હતી.