વિવાદ:બજારમાંથી ખાટલો લઇ લેવાનું કહી આધેડને તલવાર બતાવી

રાજુલા તાલુકાના દાતરડી ગામે રહેતા એક આધેડે બજારમા નડતરરૂપ ખાટલો લઇ લેવાનુ કહેતા ત્રણ શખ્સાેએ બોલાચાલી કરી મુંઢમાર મારી તલવાર બતાવી મારી નાખવાની ધમકી આપતા તેણે આ બારામા ડુંગર પોલીસ મથકમા ફરિયાદ નોંધાવી છે.અહી રહેતા છગનભાઇ કાનાભાઇ ભીલ (ઉ.વ.60) નામના આધેડે ડુંગર પોલીસ મથકમા નોંધાવેલી ફરિયાદમા જણાવ્યું હતુ કે તેના ઘરે જવાના રસ્તે બજારમા ખાટલા નડતરરૂપ હાેય તેને લઇ લેવાનુ કહેતા જેરામ માવજીભાઇ ભીલ, જેન્તી માવજીભાઇ અને ગાેરધનભાઇ માવજીભાઇએ તેની સાથે બોલાચાલી કરી હતી.

ત્રણેય શખ્સાેએ ઉશ્કેરાઇ જઇ ઢીકાપાટુનો મારમારી ઇજા પહાેંચાડી હતી. તેમજ તલવાર બતાવી મારી નાખવાની ધમકી પણ આપી હતી. બનાવ અંગે હેડ કોન્સ્ટેબલ વી.જી.ડાભી વધુ આગળની ધોરણસરની તપાસ ચલાવી રહ્યાં છે.