રોષ:દામનગરની જૂની શાકમાર્કેટ સહિત મુખ્ય બજારોમાં ગંદકી

દામનગર નગરપાલિકા સ્વચ્છતા અભિયાનના લીરે લીરા ઉડાવી રહી છે. શહેરમાં જૂની શાકમાર્કેટ, અજમેરા શોપિંગ અને ખોડિયાર ચોક સહિતની મુખ્ય બજારોમાં સફાઈનો અભાવ જોવા મળી રહ્યો છે. જેના કારણે ઠેરઠેર ગંદકી સર્જાઈ છે. અહીં યોગ્ય સફાઈ ન થતી હોવાથી વેપારીઓ પરેશાન બન્યા છે.

નગરપાલિકા પાસે સફાઈના સાધનો અને કર્મચારીઓ હોવા છતાં પણ સમયસર સફાઈ થતી નથી. શહેરની મુખ્ય બજારોમાં સફાઈનો અભાવ જોવા મળે તો સોસાયટીમાં કેવી પરિસ્થિતિ હશે. તેવા લોક મુખે સવાલો ઉભા થઇ રહ્યા છે. કચરાના ઢગને વેપારીઓ જાતે સળગાવી રહ્યા છે. અહીં સમયસર સફાઈ કરવા વેપારીઓમાં માંગ ઉઠી છે.