ક્રાઈમ:ધારી પાસે રીક્ષામાં દારૂની હેરાફેરી કરનાર 2 ઝડપાયા

ધારી પાસે રીક્ષામાં દેશી દારૂની હેરાફેરી કરનાર બે શખસને એલસીબીએ ઝડપી લીધા હતા. તેમની પાસેથી એકટીવા અને રીક્ષા મળી 57 હજારનો મુદ્દામાલ કબ્જે કર્યો હતો.

પ્રાપ્ત વિગત મુજબ, ધારીમાં નવી વસાહતમાં રહેતા ઝુબેર ઉર્ફે ટીનો મહંમદભાઈ સોલંકી વિસાવદર તાલુકાના રાવણી ગામના ઇન્દુબેન પાસેથી દેશી દારૂ રીક્ષામાં લાવી રહ્યો હતો. જેનું આરીફ ઉર્ફે મન્નો વલીભાઈ એક્ટિવા નંબર જી.જે.14.એ.કયું. 4313થી પાઈલોટીંગ કરતો હતો. જેની જાણ એલસીબીને થતા ધારી પાસે રેઇડ કરી હતી. તે દરમિયાન ઝુંબેર ઉર્ફે ટીનો મહંમદભાઈ સોલંકી અને આરીફ ઉર્ફે મુન્નો વલીને દેશી દારૂ સાથે ઝડપી લીધા હતા. તેમની પાસેથી એલસીબીએ રૂપિયા 2000નો 100 લીટર દેશી દારૂ, 25 હજારની રીક્ષા, 20 હજારની એક્ટિવા અને 10 હજારના બે મોબાઈલ મળી કુલ રૂપિયા 57 હજારનો મુદ્દામાલ કબ્જે કર્યો હતો.