તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

અકસ્માત:મોટા કણકોટ ગામે ટ્રેકટર પલટી ખાતાં ચાલકનું મોત

અમરેલી2 મહિનો પહેલા
  • કૉપી લિંક
  • 2 બહેનના એકના એક ભાઈનું મોત

લીલીયા તાલુકાના મોટા કણકોટ ગામના પાદર પાસે દેવળીયાના ટ્રેકટર ચાલકે સ્ટીયરીંગ પરનો કાબુ ગુમાવતા ટ્રેકટર પલ્ટી મારી ખાળીયામાં ખાબક્યું હતું. જેના કારણે ચાલકનું મોત નિપજ્યું હતું રક્ષાબંધન પૂર્વે જ બે બહેનના એકના એક ભાઈનું મોત નિપજતા અરેરાટી વ્યાપી હતી.

લીલીયા પોલીસ સ્ટેશનમાં દેવળીયા ગામે રહેતા મનસુખભાઈ ભાયાભાઈ માધડે ફરીયાદ નોંધાવતા જણાવ્યું હતું કે મારે સંતાનમાં બે દિકરી અને એક દિકરો છે. દિકરો બિપીન રવિવારના દિવસે સાંજે 5 વાગ્યાના અરસામાં દાડમાંથી ટ્રેકટર નંબર જી.જે. 1એ. ક્યું. 9873 લઈ દેવળીયા આવી રહ્યો હતો. તે દરમિયાન મોટા કણકોટ ગામની નિશાળા પાસે ‌વળાકમાં સ્ટીયરીંગ પરનો કાબુ ગુમાવતા ટ્રેકટર ટોલી સાથે વોકળામાં ખાબક્યું હતું.જેમાં 18 વર્ષીય બીપીનભાઈ માધડનું મોત નિપજ્યું હતું. રક્ષાબંધન પૂર્વે જ બે બહેનોના એકના એક ભાઈનું મોત નિપજતા સમગ્ર દેવળીયા ગામમાં શોકની લાગણી પ્રસરી ગઈ હતી.

અન્ય સમાચારો પણ છે...