રાહત:શહેરની રામજી મંદિર રોડ પર કાપડ બજારમાં ખરીદી માટે લોકોની ભીડ

અમરેલીમાં દિપાવલીના પર્વ નિમિત્તે રામજી મંદીર રોડ પર આવેલી કાપડ બજારમાં ખરીદી માટે લોકોની ભીડ ઉમટી હતી. લાંબા સમય બાદ ગ્રામ્ય વિસ્તારોમાંથી લોકો ખરીદી અર્થે આવ્યા હોવાથી પાથરણાવાળાઓમાં ખુશીનો માહોલ છવાયો હતો.

કોરોના મહામારીના કારણે અનેકના ધંધા-રોજગારને માઠી અસર પહોંચી છે. ત્યારે અમરેલીના રામજી મંદિર રોડ પર ભરવાથી કાપડ બજાર અને સિનિયર સીટીઝન પાર્ક પાસે ભરાતી રવિવારી બજારને પણ અસર પહોંચી હતી. જેના કારણે નાના પાથરણાવાળાઓ ચિંતાતુર બન્યા હતા. પણ દીપાવલીના તહેવારમાં રામજી મંદીર રોડ પર આવેલ કાપડ બજારમાં ખરીદીની ભીડ ઉમટી હતી.

અહીં વેપારીઓએ જણાવ્યું હતું કે ગયા વર્ષ કરતાં ગ્રામ્ય વિસ્તારમાંથી 40 ટકા ખરીદી ઓછી જોવા મળે છે. પણ હાલ દિવાળીના તહેવાર નિમિત્તે લોકો ખરીદી અર્થે આવી રહ્યા છે. જેના કારણે પાથરણાવાળાઓનો પરિવાર પણ દીપાવલીના તહેવારની ઉજવણી કરી શકશે.