કાર્યવાહી:મૃતકને વીજચોરીનું બિલ દેનાર ઇજનેર સહિત પાંચ સામે ગુનો, હનુમાન ખીજડિયામાં 5 વર્ષ પૂર્વે વીજ તંત્રે ચેકિંગ કર્યું હતું

વડીયા તાલુકાના હનુમાન ખીજડીયા ગામે વિજ કંપનીની ચેકીંગ ટુકડીએ પાંચ વર્ષ પહેલા ચેકીંગ દરમિયાન જે વ્યકિત આ દુનિયામા હયાત નથી તેના નામ પર વિજ દંડ ફટકારી વડીયા કોર્ટમા રકમ વસુલાત માટે દાવો પણ ઠપકારી દેતા કોર્ટના હુકમના આધારે બે ઇજનેર સહિત પાંચ કર્મચારીઓ સામે ખાેટો દાવો અને ખાેટા પુરાવાઓ ઉભા કરવા સબબ ગુનો નાેંધવામા આવ્યો છે.

વડીયાની સિવીલ કોર્ટના રજીસ્ટાર મેહુલભાઇ વિનોદરાય ત્રિવેદીએ આજે આ બારામા વડીયા પીજીવીસીએલના ડેપ્યુટી ઇજનેર જીતેન્દ્ર લાલજીભાઇ સાંગાણી, સિનીયર આસિસ્ટન્ટ કેતન ગુણવંતભાઇ ભટ્ટ, એકાઉન્ટના ડેપ્યુટી સુપ્રિ. જગદીશ જે.પાનસુરીયા, જુનીયર ઇજનેર કાૈશિક ચંદ્રકાંતભાઇ પટેલ અને ઇલેકટ્રીક આસિસ્ટન્ટ ઘનશ્યામ બાલુભાઇ મેણીયા સામે વડીયા કાેર્ટમા ફરિયાદ નાેંધાવી છે. જેમા જણાવાયુ છે કે બંને ઇજનેર સહિત પાંચેય વિજકર્મીઓએ કોર્ટમા ખોટો દાવો દાખલ કર્યો હતો. અને ખોટા પુરાવા તથા દસ્તાવેજ બનાવી કોર્ટમા ખાેટી જુબાની આપી હતી.

વડીયાના હનુમાન ખીજડીયામા પાંચ વર્ષ અગાઉ વિજ ચેકીંગ કરાયુ હતુ. જયાં વજુભાઇ સોમાભાઇ ચુડાસમા કે જેમની પાસે વિજ કનેકશન ન હતુ. પરંતુ થાંભલેથી સીધુ જોડાણ મેળવી વિજ ચાેરી કરી હોવાનુ બતાવી તેમને રૂપિયા 2400નુ બીલ ફટકારાયુ હતુ. હકિકતમા વજુભાઇ હયાત જ ન હતા. 2016મા તેમની સામે નાણા નહી ભરવા સબબ વડીયા કોર્ટમા દાવાે કરવામા આવ્યો હતો. પરંતુ આવી વ્યકિત જ હયાત ન હતી. હવે અદાલતના હુકમ બાદ પાંચેય સામે ગુનો નોંધાયો છે. પીએસઆઇ એ.ડી.સાંબડ બનાવની તપાસ ચલાવી રહ્યાં છે.