આયોજન:અમરેલીમાં રાજ્યકક્ષા કલા મહાકુંભ સ્પર્ધાનો પ્રારંભ

અમરવેલીથી ઓળખાતા એવાં અમરેલીના આંગણે કે.કે.પારેખ અને મહેતા આર.પી.વ િદ્યાલય ખાતે આઝાદી કા અમૃત મહોત્સવ અંતર્ગત રાજ્યકક્ષા કલા મહાકુંભ સ્પર્ધાનો રંગારંગ ભવ્ય શુભારંભ વિધાનસભાના નાયબ મુખ્ય દંડક અને ધારાસભ્ય કૌશિકભાઈ વેકરીયાના હસ્તે કરવામાં આવ્યો હતો.

કાર્યક્રમના ઉદ્ઘાટન પ્રસંગે રાજ્યના અલગ અલગ જિલ્લાઓમાંથી કલાકારોએ વિવિધ કૃત્તિઓની અદ્ભૂત પ્રસ્તુતિ કરી હતી. રાજ્યકક્ષાની આ ત્રિદિવસીય સ્પર્ધામાં 6 થી 14 વર્ષ, 15 થી 20 વર્ષ અને 21 થી 59 વર્ષ ઉપરાંત તમામ વયજૂથ વિભાગના સ્પર્ધકો ભાગ લઈ રહ્યા છે. લોકનૃત્ય, સમૂહ ગીત, લોકવાર્તા, ચિત્રકલા, ભરતનાટ્યમ, રાસ, ભજન-લ કગીત, નિબંધ, વકતૃત્વ, તબલા, હાર્મોનિયમ, એકપાત્રીય અભિનય, કાવ્ય અને ગઝલ લેખન, દેશના નામાંકિત અને વિશ્વ વિખ્યાત કુચીપુડી, મોહિની અટ્ટમ, કથ્થક જેવાં નૃત્યો, લગ્નગીત, સિતાર અને મૃદંગમ વાદન, સારંગી અને રાવણહથ્થો સહિતની સ્પર્ધાઓ યોજાશે.

આ તમામ સ્પર્ધાઓ કે.કે.પારેખ અને આર.પી.મહેતા વિદ્યાલય, શ્રી રાજા સ્કૂલ ઓફ આર્ટ ફોરવર્ડ સ્કૂલ મેદાન, દીપક હાઇસ્કૂલ, પોલીસ પરેડ ગ્રાઉન્ડ ખાતે યોજાશે. આજરોજ સ્પર્ધાના પ્રથમ દિવસે દેસાઈ કે. કે. હાઇસ્કૂલ, ધમડાછા નવસારી, બરોડા હાઇસ્કૂલ, અલકાપુર -વડોદરા શહેર, ઈ. એમ. આર. એસ. ગારખડી-ડાંગના કલાકારોએ લોકનૃત્ય રજૂ કરીને ઉપસ્થિત સૌ કોઈને મંત્રમુગ્ધ કર્યા હતા.

વિધાનસભાના નાયબ મુખ્ય દંડક કૌશિકભાઈ વેકરીયાએ કાર્યક્રમના ઉદ્ઘાટન પ્રસંગે સંબોધન કરતા જણાવ્યુ હતુ કે ગુજરાતની લોકકલા અને લોકસંસ્કૃત્તિ ગુજરાતની આગવી ઓળખ છે. આ પ્રસંગે સાંસદ નારણભાઈ કાછડીયા, જિલ્લા પંચાયત પ્રમુખ રેખાબેન મોવલીયા, ધારાસભ્ય જે.વી.કાકડીયા, જિલ્લા રમત ગમત અધિકારી કુરેશી વિગેરે ઉપસ્થિત રહ્યાં હતા.