બજેટ:ચલાલા નગરપાલિકાનું રૂા. 9.35 કરોડનું વિકાસ લક્ષી બજેટ મંજુર

ચલાલા નગરપાલિકામાં પ્રમુખ ગીતાબેન કારીયાના અધ્યક્ષસ્થાને 2021 - 22નું 9.35 કરોડનું વિકાસ લક્ષી બજેટ મંજુર કરવામાં આવ્યું હતું. શહેરમાં આવનારા સમયમાં રોડ -રસ્તા, પાણી અને સફાઈ જેવા વિકાસના કામો હાથ ધરવામાં આવશે.

ચલાલામાં દાનેવ સેવાસદનના મીટીંગ હોલમાં પાલિકા પ્રમુખ ગીતાબેન કારીયાના અધ્યક્ષ સ્થાને ચીફ ઓફિસર ગોહિલ, ઉપપ્રમુખ જયરાજભાઇ વાળા અને તમામ સભ્યોની ઉપસ્થિતિમાં બજેટ સભા મળી હતી. જેમાં ધારાસભ્ય જે.વી કાકડિયાના માર્ગદર્શન હેઠળ 2021- 22ના વર્ષ માટે રૂપિયા 93531000 અંદાજીત બજેટ પ્રમુખ ગીતાબેન કારીયાએ રજૂ કર્યું હતું.

ચલાલા નગરપાલિકામાં પ્રમુખે રજુ કરેલ બજેટ તમામ સદસ્યોએ સર્વાનુમતે મંજુર કર્યું હતું. તેમજ બજેટમાં આગામી વર્ષમાં શહેરભરમાં રોડ રસ્તા, પાણી, લાઇટ, સફાઈ અને ભૂગર્ભ ગટર જેવી પ્રાથમિક સુવિધા માટે નાણાંના ખર્ચ માટે જોગવાઈ કરાઈ હતી.