મુશ્કેલી:અમરેલી શહેરના જશોદાનગરમાં પાણીની પાઇપ લાઈનમાં ભંગાણ

અમરેલીના હનુમાનપરા નજીક જશોદાનગરમાં પાણીની પાઇપલાઇનમાં ભંગાણ સર્જાતા પાણીનો વેડફાટ થયો હતો. અહીં પાણી રોડ પર વહેવા લાગતા સ્થાનિક લોકો મુશ્કેલીમાં મુકાયા હતા.અમરેલીના હનુમાનપરા પાસે આવેલ જશોદાનગર સોસાયટીમાં બપોરના અરસામાં પાણીની પાઈપલાઈન તૂટી ગઈ હતી. જેના કારણે દિવસભર પાણીનો વેડફાટ થયો હતો.

અહીં જશોદાનગરમાં તૂટેલી પાઇપલાઇનથી બાજુમાં રહેલી અન્ય સોસાયટીઓમાં પાણી ફરી વળ્યા હતા. પાણીના કારણે રોડ પર કાદવ કીચડ સર્જાયો હતો. જેના કારણે સ્થાનિક લોકો મુશ્કેલીનો સામનો કરવો પડ્યો હતો. નવાઈની વાત તો એ છે કે રવિવારનો દિવસ હોવાથી અહીં કોઈ રીપેરીંગ કરવા માટે પણ પહોંચ્યું ન હતું. અને દિવસ દરમિયાન પાણી માર્ગ પર વહેતું રહ્યું હતું.