મતદાન અને ટકાવારી:જિલ્લામાં કોંગ્રેસ પાસેથી 4 બેઠક ભાજપે છીનવી

જિલ્લાનો સ્પષ્ટ જનાદેશ છે કે પાંચેય સીટ પર કેસરીયો. વર્ષ 2017ની ચુંટણીમા કોંગ્રેસે પાંચેય સીટ મેળવી હતી. પાંચ વર્ષ બાદ હવે કોંગ્રેસે પાંચેય સીટ ગુમાવી દીધી છે. પાલિકા, પંચાયતથી લઇ ધારાસભ્યો અને સાંસદ સુધીના પદ હવે ભાજપ પાસે છે. એકાદ પાલિકા અને તાલુકા પંચાયતને બાદ કરતા જિલ્લામા કોંગ્રેસ પાસે કશું બચ્યું નથી. આજે ભાજપના પાંચેય ઉમેદવારો પોતાની સીટ પર વિજેતા થયા હતા. તેટલુ જ નહી અમરેલી, લાઠી અને રાજુલા સીટ પર તો જંગી લીડ મળી હતી.

એકમાત્ર સાવરકુંડલા સીટ પર માત્ર 3492 મતની સરસાઇ હતી જે સૌથી ઓછી છે. આમ આદમી પાર્ટીનો પણ જાદુ ચાલ્યો નથી. બગસરા સીટ પર જો કે આપના ઉમેદવાર બીજા ક્રમે રહ્યાં છે. અને અમરેલી લાઠી સીટ પર આપના ઉમેદવારે નોંધપાત્ર મત મેળવ્યા છે. ગત ચુંટણીમા મોદી-યોગીની સભા છતા ભાજપને એકેય સીટ મળી ન હતી. જયારે આ ચુંટણીમા મોદી-યોગીની સભા બાદ પાંચેય સીટ ભાજપે કબજે કરી છે.

​​​​​​​

​​​​​​​

​​​​​​​

​​​​​​​

​​​​​​​