ધરપકડ:અમરેલીનો શખ્સ ડમ્પરમાં રેતીની હેરાફેરી કરતા ઝડપાયો

અમરેલીએક મહિનો પહેલા
  • કૉપી લિંક
  • શેત્રુંજીમાંથી હજુ પણ ચાલી રહી છે બેફામ રેત ચોરી

અમરેલી પંથકમા શેત્રુજી નદીના પટમાથી બેફામ રેત ચોરી ચાલી રહી છે. ત્યારે અમરેલી એલસીબી પોલીસે આજે અહીના શખ્સને ડમ્પરમા ચાર ટન રેતીની હેરાફેરી કરતા ઝડપી લીધો હતો.

રેતી ચોરી ઝડપાવાની આ ઘટના અમરેલી તાલુકા પોલીસ સ્ટેશન વિસ્તારમા બની હતી. અમરેલી એલસીબીની ટીમ રેતી ચોરી કરતા તત્વો સામે પગલા લેવા પેટ્રોલીંગમા હતી ત્યારે લીલીયા રોડ પર શ્યામ સર્કલ નજીક ડમ્પર નંબર જીજે 3 ડબલ્યુ 8768ને અટકાવી તલાશી લેવામા આવતા તેમા ગેરકાયદે રેતીની હેરાફેરી થતી હોવાનુ ખુલ્યુ હતુ.

અમરેલીમા સત્યનારાયણ સોસાયટીમા રહેતો સુજીત ધીરૂભાઇ ધાધલ (ઉ.વ.22) નામનો યુવાન આ ડમ્પરમા રેતીની હેરાફેરી કરી રહ્યો હતો જેને પગલે પોલીસે તેની ધરપકડ કરી હતી. પોલીસે ડમ્પર તથા રેતી મળી કુલ રૂપિયા 4.02 લાખનો મુદામાલ કબજે લીધો હતો.

અન્ય સમાચારો પણ છે...