આયોજન:અમરેલીમાં 7 દિવસીય જિલ્લા કક્ષાના મેળા-પ્રદર્શન યોજાશે

અમરેલી5 મહિનો પહેલા
  • કૉપી લિંક
  • જિલ્લા વિકાસ અધિકારીના અધ્યક્ષસ્થાને બેઠક મળી: લોકોને મુલાકાત લેેવા અનુરોધ કરાયો

પંચાયત, ગ્રામ ગૃહ નિર્માણ અને ગ્રામ વિકાસ વિભાગ, કુટિર અને ગ્રામોદ્યોગ , મહિલા અને બાળ વિકાસ અને માહિતી અને પ્રસારણ સહિતના વિભાગો દ્વારા ગુજરાત સરકારની 20 વર્ષની વિકાસ યાત્રા પ્રદર્શન તેમજ 7 દિવસીય જિલ્લા કક્ષાના અને તાલુકા કક્ષાના મેળાઓનું આયોજન કરવામાં આવ્યું છે. અમરેલી ખાતે આગામી તા.6 થી તા.12 જુલાઈ સુધી વંદે ગુજરાત 20 વર્ષનો સાથ ૨૦ વર્ષનો વિશ્વાસ કાર્યક્રમ અંતર્ગત આ મેળો-પ્રદર્શન યોજાશે. અમરેલી જિલ્લા વહીવટી તંત્ર દ્વારા સિનિયર સિટીઝન પાર્ક ખાતે આ મેળા-પ્રદર્શનનું આયોજન કરવામાં આવ્યું છે.

ગુજરાત લાઈવલીહુડ પ્રમોશન કંપની લી. દ્વારા આ કાર્યક્રમ સંબંધિત કામગીરી સંભાળશે. આ મેળામાં સરકારની વિકાસ યાત્રા સાથે જિલ્લામાં ગ્રામ્ય કક્ષાએ કાર્યરત મહિલા સ્વ-સહાય જૂથો દ્વારા ઉત્પાદિત વસ્તુઓને પૂરતું બજાર મળી રહે તથા બહેનોને સ્વરોજગારની પ્રવૃત્તિઓ થકી આર્થિક રીતે સમૃદ્ધિ મળી રહે અને તેમને પ્રોત્સાહિત કરવાના હેતુથી વિવિધ સ્ટોલ પણ આ મેળામાં રહેશે. મેળાનો પ્રારંભ તા.5ના રોજ સાંજે 5 કલાકે થશે.

જિલ્લાકક્ષા ઉપરાંત તાલુકા કક્ષાએ પણ આ મેળાઓ યોજાશે. આ કાર્યક્રમના આયોજન માટે આજે જિલ્લા કલેક્ટર કચેરીમાં જિલ્લા વિકાસ અધિકારી દિનેશ ગુરવના અધ્યક્ષ સ્થાને એક બેઠક યોજાઈ હતી. તેમણે કાર્યક્રમના સફળ અમલીકરણ માટે તંત્રને જરૂરી સૂચનાઓ આપી હતી. બેઠકમાં જિલ્લાના વિવિધ વિભાગના ઉચ્ચ અધિકારીઓ ઉપસ્થિત રહ્યા હતા. તેમણે નાગરિકાેને અા પ્રદર્શન મેળાની મુલાકાત લેવા અનુરાેધ કર્યાે હતાે.

અન્ય સમાચારો પણ છે...