ચુંટણી:રાજુલા અને જાફરાબાદના 2.74 લાખ મતદારો 15 ઉમેદવારોનું ભાવી ઘડશે

દરિયાકાંઠાની રાજુલા જાફરાબાદ સીટ પર બે બળીયાની લડાઇ જામી છે. બે બળીયાની લડાઇમા ત્રીજો ફાવે છે કે કેમ તે તો સમય જ કહેશે. અહી આ સીટ પર કુલ 2,74,696 મતદારો છે. અને આ સીટ પર જિલ્લામા સૌથી વધુ 15 ઉમેદવારો મેદાનમા છે. ચુંટણી જંગનો નિર્ણય કોળી અને આહિર સમાજના મતદારોના હાથમા છે.

આ સીટ પર ભાજપે કેાળી સમાજના આગેવાન અને જુના જોગી હિરાભાઇ સોલંકીને મેદાનમા ઉતાર્યા છે. તો કોંગ્રેસે આહિર સમાજના અગ્રણી અંબરીશભાઇ ડેરને રીપીટ કર્યા છે. આમ આદમી પાર્ટીએ પણ આહિર સમાજના ભરતભાઇ બલદાણીયાને ટીકીટ આપી છે. સીટ પર સૌથી વધુ 80 હજાર મતદારો કોળી સમાજના છે.

જયારે 58 હજાર મતદારો આહિર સમાજના છે. જેમા સૌથી વધુ 35 હજાર પંચોળી આહિર અને 13 હજાર વણાર આહિર છે. આ ઉપરાંત નાઘેરા આહિર અને સોરઠીયા આહિરની પણ અહી વસતિ છે. સીટ પર 303 બુથ પર મતદાન થશે. આ બુથ 179 સ્થળોએ ઉભા કરવામા આવશે.

1,41,477 પુરૂષ મતદારો અને 1,34,219 સ્ત્રી મતદારો મળી કુલ 2,74,696 મતદારો 15 ઉમેદવારોનુ ભવિષ્ય ઇવીએમમા સીલ કરી દેશે. 303 બુથ પૈકી રાજુલા તાલુકામા 161 બુથ, જાફરાબાદ તાલુકામા 92 બુથ અને ખાંભા તાલુકામા 45 બુથ આવેલા છે. અમરેલી જિલ્લામા મતદારોનુ માઇગ્રેશન મોટો પ્રશ્ન છે. પરંતુ રાજુલા જાફરાબાદ સીટમા સૌથી ઓછુ માઇગ્રેશન જોવા મળે છે.

​​​​​​​ ​​​​​​​