સેવાકાર્ય:ખાંભામાં 13 ડોકટરની ટીમે 500 દર્દીઓની નિ:શુલ્ક સારવાર કરી

ખાંભામાં કન્યા શાળા ખાતે રૂદ્રગણ ગૃપ અને જય અંબે મલ્ટી હોસ્પિટલના સંયુક્ત ઉપક્રમે સર્વરોગ નિદાન કેમ્પ યોજાયો હતો. જેમાં 13 ડોકટરની ટીમે જુદા જુદા રોગના 500 દર્દીઓની સારવાર કરી હતી. ગંભીર બીમારીથી પીડાતા દર્દીઓના પરિવારનું મોંઘીદાટ હોસ્પિટલમાં સારવાર લેવાથી ઘર ધોવાઈ જતા હોય છે. તેવા સમયે ખાંભામાં કન્યાશાળા ખાતે રૂદ્રગણ ગૃપ અને જય અંબે મલ્ટીહોસ્પિટલના સંયુક્ત ઉપક્રમે સર્વરોગ નિદાન કેમ્પ યોજાયો હતો. જેમાં હોસ્પિટલના 13 ડોકટરની ટીમે ગંભીર રોગના 500 જેટલા દર્દીઓની સારવાર કરી હતી. ઉપરાંત તેમને નિ : શુલ્ક દવાનું વિતરણ કર્યું હતું.

આ તકે રૂદ્રગણ ગૃપના કશ્યપભાઇ પંડ્યા, જસુભાઇ મોભ, ભાર્ગવભાઇ પંડ્યા, દુમિલભાઇ પંડ્યા અને કરણભાઇ સહિતના આગેવાનો ઉપસ્થિત રહ્યા હતા. સર્વરોગ નિદાન કેમ્પને સફળ બનાવવા સેવાભાવી યુવાનોએ જહેમત ઉઠાવી હતી. તસ્વીર - પૃથ્વી રાઠોડ