સજાનો હુકમ:ધારીમાં ચેક રીર્ટન કેસમાં પિતા પુત્રને 1 વર્ષની સાદી કેદની સજા

ધારીના સરસીયામા રહેતા પિતા પુત્રએ બગસરા નાગરિક શરાફી સહકારી મંડળીમાથી ધીરાણ મેળવ્યુ હોય અને વસુલાત પેટે આપેલ ચેક રીર્ટન થતા બંને સામે કેસ કરાયો હતો. જેને પગલે અદાલતે પિતા પુત્રને એક વર્ષની સાદી કેદની સજા ફટકારી હતી. સરસીયામા રહેતા હુસેનભાઇ પઠાણે બગસરા નાગરીક શરાફી સહકારી મંડળીની ધારી શાખામાથી ધીરાણ લીધુ હતુ. ધીરાણના વસુલાત પેટે તેણે દેનાબેંક સરસીયાનો ચેક રૂપિયા 4,78,633નો આપ્યો હતો જે અપુરતા બેલેન્સના કારણે રીટર્ન થયો હતો.

તેના પુત્ર રફિક હુસેનભાઇ પઠાણનેા ચેક પણ રીર્ટન થયો હતો. જેને પગલે મંડળીના બ્રાંચ મેનેજર દિલીપભાઇ મહેતાએ મંડળીના ચેરમેન રશ્વિનભાઇ ડોડીઆના માર્ગદર્શન હેઠળ દાવા કેસ કર્યો હતો.મંડળી તરફથી એડવોકેટ રવિકુમાર વાળાએ અદાલતમા ધારદાર દલીલો રજુ કરી હતી. ધારીના એડિશ્નલ જયુડી.મેજીસ્ટ્રેટ એ.એન.પરમારે બંને પિતા પુત્રને અલગ અલગ કેસમા એક-એક વર્ષની સાદી કેદની સજા ફટકારી હતી. બંને કેસમા ચેકની રકમનો દંડ ફટકારેલ અને જો દંડની રકમ ન ભરે તો વધુ ત્રણ માસની સજાનો પણ હુકમ કર્યો હતો.