મુલાકાત:ઔષધિય બોર્ડના ટેકનિકલ ઓફિસરે ઔષધિય ગાડર્નની મુલાકાત લીધી

ગુજરાત રાજ્ય ઔષધિય બોર્ડ ગાંધીનગરનાં ટેકનિકલ ઓફિસર દ્વારા સાપુતારાનાં ઔષધિય ગાડર્નની મુલાકાત કરવામાં આવી હતી. પ્રાપ્ત વિગતો મુજબ ગુજરાત રાજ્ય ઔષધીય બોર્ડ ગાંધીનગરનાં ટેકનિકલ ઓફિસર હેમંત સુથાર દ્વારા સાપુતારાનાં ઔષધિય ગાડર્નની મુલાકાત કરવામાં આવી હતી.

ગિરિમથક સાપુતારાનાં ખોળામાં આવેલા ઔષધિય ઉધાનમાં અનેક જાતનાં ઉપયોગી ઔષધિય વૃક્ષો આવેલા છે. સાપુતારાના ઔષધિય ઉદ્યાનની જવાબદારી સુપરવાઈઝર મિતલ પટેલ દ્વારા નિભાવવામાં આવી રહી છે.

બુધવારે સાપુતારા ઔષધિય ઉધાનનું મોનિટરીંગ ટેકનિકલ ઓફિસર હેમંતભાઈ સુથાર દ્વારા કરવામાં આવ્યું હતું. આ પ્રસંગે સાપુતારા ઔષધિય ગાર્ડનમાં વધુને વધુ વનસ્પતિ અને વૃક્ષોની જાતોનો ઉછેર થાય તે વિશે ચર્ચા વિચારણા કરવામાં આવી હતી.