તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

ડાંગમાં વરસાદી માહોલ જામ્યો:આહવા-સાપુતારા માર્ગનો શિવઘાટ ધોધ પ્રવાસીઓના આકર્ષણનું કેન્દ્ર

આહવા3 મહિનો પહેલા
  • કૉપી લિંક
  • આહવામાં 24 કલાકમાં 52 મિ.મી. વરસાદ નોંધાયો

ડાંગ જિલ્લામાં બુધવારે પણ વરસાદી માહોલ યથાવત રહેતા સમગ્ર પંથકોનું વાતાવરણ ઠંડુગાર બન્યું હતું. આહવા-સાપુતારા માર્ગનો શિવઘાટ ધોધ પણ સક્રિય બનતા અહીંથી પસાર થતા વાહનચાલકો માટે આકર્ષણનું કેન્દ્ર બની રહ્યો છે.ડાંગ જિલ્લામાં વરસાદી માહોલ જામ્યો છે.

ડાંગ જિલ્લાનાં ગામડામાં રોજેરોજ ધીમી ધારનાં વરસાદી માહોલનાં પગલે ચોમાસાની ઋતુ જામી છે. ડાંગના ગિરિમથક સાપુતારા, આહવા, વઘઇ, સુબિર સહિત પૂર્વપટ્ટી અને સરહદીય પંથકનાં ગામોમાં બુધવારે પણ દિવસભર વરસાદી હેલીઓ યથાવત રહેતા ચોમાસુ જામ્યું છે. સાપુતારા સહિત આહવાની તળેટીય જંગલ વિસ્તારમાં વરસાદી માહોલની સાથે ગિરિકન્દ્રાઓ ઉપર ગાઢ ધુમ્મસીયા વાતાવરણની સફેદ ચાદર ઓઢાઈ જતા પ્રકૃતિ ખીલી ઉઠી હતી. જેમાંય વરસાદી માહોલનાં પગલે આહવા-સાપુતારા માર્ગનો શિવઘાટ ધોધ પણ સક્રીય થતા પ્રકૃતિમાં સુંદરતાનું પીછું ઉમેરતા અહીંથી પસાર થતા વાહનચાલકોમાં આકર્ષણનું કેન્દ્ર બની રહ્યો છે.

ડાંગ જિલ્લા ડિઝાસ્ટર વિભાગનાં જણાવ્યાનુસાર મંગળવારે સાંજે 6 વાગ્યાથી બુધવારે સાંજે 6 વાગ્યા સુધીનાં 24 કલાક દરમિયાન વઘઇમાં 6 મિમી, સાપુતારામાં 12 મિમી, સુબીરમાં 1 મિમી, જ્યારે સૌથી વધુ આહવામાં 52 મિમી (2.08 ઈંચ) વરસાદ નોંધાયો હતો.