કોરોના વાઇરસ:કારિયાણીમાં કોરોનાને રોકવા કોરોના વોરિયર્સ તૈનાત, ગ્રામપંચાયતે તમામ રસ્તા કર્યા સીલ

વઢવાણના ગામડાઓ કોરોના વાઇરસને પ્રસરતો અટકાવવા સરપંચો અને ગ્રામજનોએ કમરકસી છે. તાલુકાના કારિયાણી ગામમાં પ્રવેશના તમામ રસ્તાઓને સીલ કરી નંખાયા છે.  ગામના સરપંચ ભોપાભાઇ કોળીએ કમીટી બનાવી છે. જેમાં 11 યુવાનો મુખ્ય રસ્તા પર અજાણ્યા લોકોને ગામમાં પ્રવેશતા અટકાવવા ચોકી પહેરો કરી અવર જવર કરતા લોકોની નોંધ કરે છે. વઢવાણ - વડોદ સ્ટેટ હાઇવે પર મુખ્ય ચોકી બનાવાઇ છે. જ્યાં વાહનચાલકોનુ ચેકીંગ અને પૂછપરછ કરી માસ્ક પહેરીને જ ગામમાં પ્રવેશ અપાય છે.