માગ:વિરમગામના સામાજિક કાર્યકર દ્વારા વડગામના ધારાસભ્યની ધરપકડ મુદ્દે પિટિશન

વડગામ ધારાસભ્ય જીગ્નેશ મેવાણીની આસામ પોલીસ દ્વારા કરાયેલી ધરપકડ મુદ્દે વિરમગામના સામાજિક અગ્રણી કિરીટ રાઠોડ દ્વારા રાષ્ટ્રીય અનુસૂચિત જાતિ આયોગ સમક્ષ માનવ અધિકાર મુદ્દે પિટિનશન દાખલ કરી હતી. આ અંગે આયોગે ગુજરાત અને આસામ સરકારના મુખ્યસચિવોને નોટિસ આપીને 30 દિવસમાં કાર્યવાહીનો અહેવાલ માંગ્યો હતો.

આ બાબતે ગુજરાત સરકારના ગૃહ વિભાગના ઉપ સચિવ દ્વારા મુખ્ય પોલીસ અધિકારી અને પોલીસ મહાનિર્દેશક, ગાંધીનગરને પત્ર લખીને દિન - 20માં હકીકત લક્ષી અહેવાલ રાષ્ટ્રીય અનુ.જાતિ આયોગને મોકલવા સૂચના આપી.

આ બાબતે કિરીટ રાઠોડે જણાવ્યું છે કે ધારાસભ્ય જીગ્નેશ મેવાણીની ધરપકડ મુદ્દે આસામ હાઇકોર્ટે પણ સ્થાનિક પોલીસની કાર્યવાહીની લેખિત ઝાટકણી કાઢી હતી. ગુજરાત સરકાર ધારાસભ્યોની સુરક્ષા મુદ્દે સચેત બની આ મુદ્દે સચોટ કાર્યવાહી કરે તેવી માંગ કરી છે.