ધરપકડ:વિરમગામની માંડલિયા ફળીમાંથી 5 જુગારી ઝબ્બે

વિરમગામ ટાઉન પોલીસે શહેર વિસ્તારમાં પેટ્રોલિંગ દરમિયાન માંડલિયા ફળીમાં જુગાર રમતા 5 જુગારીને ઝડપી લીધા હતા. પોલીસને પેટ્રોલિંગ સમયે જ બાતમી મળતાં કાર્યવાહી કરી આરોપીઓ સામે કાર્યાહી કરે છે. જ્યારે બાતમી ન હોય તો પોલીસ કોઇ કાર્યવાહી કરતી નથી. વિરમગામ ટાઉન પોલીસ પેટ્રોલિંગમાં હતી. જે દરમિયાન ખાનગી રાહે બાતમી મળેલ માંડલીયા ફળીમાં જાહેરમાં તીન પત્તીનો જુગાર રમવામાં આવી રહ્યો છે.

જે બાબતે પંચો સાથે લઈને માંડલીયા ફળી ખાતે જગદીશભાઈ પ્રાણજીવન ખત્રીના ઘર પાસે જાહેરમાં 5 શખ્સો દ્વારા તીન પત્તીનો જુગાર રમી રમાડતા જગદીશભાઈ પ્રાણજીવન ખત્રી,હિરેનભાઈ હરજીવનભાઈ કનાડીયા, ઈકબાલભાઈ ઉમરભાઈ વેપારી,ઐયુબભાઈ અનવરભાઈ પાટડીયા,ચિંતનભાઈ દિલીપભાઇ શાહ (તમામ રહે. વિરમગામ)ને રૂપિયા 10,170 ના મુદ્દામાલ સાથે ઝડપી પાડયા હતા. વિરમગામ શહેર તથા તાલુકા વિસ્તારમાં દેશી દારૂ ગાળવાની તથા જુગાર રમવાની પ્રવૃતિ બેફામ બની હોવા છતાં પોલીસના પેટનું પાણી હાલતું નથી. પોલીસ કાર્યવાહી કરે છેં. પરંતુ બીજા દિવસે પરિસ્થિતિ જેમની તેમ થઇ જાય છે. કડક હાથે કામ લેવા માટે પોલીસ સમક્ષ નાગરિકો માગ કરી રહ્યા છે.