કોરોના વાઇરસ:સુરેન્દ્રનગરની દયામયી સ્કૂલે ફીના મેસેજ મોકલ્યાં, સવારે 9થી 11 ફી ભરી જવા જણાવ્યું

સુરેન્દ્રનગર જિલ્લાની ખાનગી શાળાઓએ નવુ સત્ર શરૂ થાય ત્યારબાદ જ વાલીઓ પાસેથી ફી લેવાનો નિર્ધાર કર્યો છે. તેમ છતાં સુરેન્દ્રનગરની દયામયી શાળા દ્વારા વાલીઓને ફી ભરવા અંગેના મેસેજ વહેતા કરતા એનએસયુઆઇના કાર્યકરોએ કલેકટર કચેરીમાં રજૂઆત કરી પગલા ભરવા માંગ કરી છે. આ અંગે મયુરસિંહ ઝાલાએ જણાવ્યુ કે, મારૂ સંતાન દયામયી સ્કૂલમાં ધો. 1માં અભ્યાસ કરે છે. લોકડાઉન બાદ શાળા દ્વારા દરેક ધોરણનું વોટસએપ ગ્રૂપ બનાવાયુ છે. જેના થકી ઓનલાઇન અભ્યાસ કરાવાય છે. ત્યારે આ ગ્રૂપમા વાલીઓને ફી ભરવા અંગેનો મેસેજ આવ્યો છે. જેમાં સવારે 9 થી 11ના સમયે વાલીઓને શાળામાં બારીએ ફી ભરવા જણાવાયુ છે. કોરોનાની કપરી પરિસ્થિતીમાં શાળાઓએ માનવતા દાખવી વાલીઓ પાસે ફી હાલ માંગવી જોઇએ નહી.