ચૂંટણી કામગીરી:આખરે શિક્ષકોની રજા મુદ્દે માંગણી સ્વીકારવામાં આવી

રાષ્ટ્રીય શૈક્ષિક મહાસંઘ દ્વારા ગુજરાતના ચૂંટણી આયોગને પત્ર લખીને રજૂઆત કરાઈ હતી કે તારીખ -21 અને 28 ફેબ્રુઆરી 2021 દરમિયાન નગર, તાલુકા અને જિલ્લા પંચાયતની સામાન્ય ચૂંટણી યોજાવાની છે.

સરકારી પ્રાથમિક શાળામાં ફરજ બજાવતા શિક્ષકોને માસ્ટર ટ્રેનર્સ, ઝોનલ ઓફિસર, પોલિંગ ઓફિસર, EVM સિલિગ સ્ટાફ, રિસીવિંગ સેન્ટરમાં સામગ્રી એકત્ર કરવી, po1, po 2 જેવી કામગીરી આપવામાં આવી છે. ઉપરોકત કામગીરી કરતા કર્મચારીઓ 2-3 દિવસ અગાઉથીચૂંટણી ફરજ પર હોય છે તથા ચૂંટણીના દિવસે રાત્રે પેટીઓ જમા કરાવવા અને રીસિવિંગ સેન્ટર પર અન્ય સામગ્રી જમા કરાવતા રાત્રે ખૂબ મોડું થઇ જતું હોય છે તથા 2-3 દિવસનો શારીરિક અને માનસિક થાક લાગતો હોય છે જેના કારણે ચૂંટણીના બીજા દિવસે શાળામાં ફરજમાં મુક્તિ આપીને ઓન ડ્યૂટી ગણવામાં આવે એવી રાષ્ટ્રીય શૈક્ષિક મહાસંઘની માગણીને ગુજરાત ચુનાવ આયોગે માન્ય રાખીને ચૂંટણીના દિવસે રજા ગણાશે.