લોકડાઉન:સાણંદમાં આવતી કાલથી માત્ર દૂધ, દવાની દુકાનો ખુલ્લી રહેશે, 13થી 17 સુધી લોકડાઉનનો કડક અમલ

અમદાવાદ જિલ્લામાં કોરોનાના કેસોમાં વધારો થઇ રહો છે અને સુપર સ્પ્રેડર માં પણ પોઝિટિવ મળી આવ્યા છે. તેમજ અમદાવાદની ભાગોળે આવેલ સાણંદ તાલુકામાં પણ કોરોના નો પગપેસારો જોવા મળી રહો છે ત્યારે સાણંદ તંત્ર દ્વારા દૂધ, દવાની દુકાનો સિવાયની તમામ દુકાનો બંધ રાખવા આદેશ કરાયો છે. સોમવારે સાણંદના નાયબ કલેકટર અને સબ ડિવિઝન મેજિસ્ટ્રેટ દ્વારા નોવેલ કોરોના વાઇરસના સંક્ર્મણને આગળ વધતા અટકાવવા માટે સાવચેતીના ભાગરૂપે સાણંદ શહેર અને તાલુકા ગ્રામ્ય વિસ્તારોમાં ફક્ત દૂધની અને દવાની દુકાનો તા.13 મે થી 17 મે સુધી સવારે 7 થી બપોરે 12 કલાક સુધી ચાલુ રહેશે તે સિવાયની તમામ દુકાનો, શાકભાજી, ફળફળાદી ઓની લારીઓ, કરીયાણાની દુકાનો  સંપૂર્ણપણે બંધ રાખવા આદેશ કરાયો છે. ઉપરોક્ત સૂચનાનો અને લોકડાઉનના ભંગ કરનાર સામે ડિઝાસ્ટ મેનેજમેન્ટ એક્ટ 2005 તથા ધી એપીડેમીક એક્ટ 1897 અંતર્ગત શિક્ષાત્મક કાર્યવાહી કરાશે.