સમિતિની બેઠક:નામોની ચર્ચા માટે જિલ્લા કોંગ્રેસ સંકલન સમિતિની બેઠક યોજાઇ

સ્થાનિક સ્વરાજની ચૂંટણીનો શન્ખનાદ ફુકાયો છે ત્યારે ઉમેદવારી માટે મેદાનમાં અવનારનો નો રાફડો ફાટતા બંને પક્ષો માટે ટિકિટની ફાળવણી એ પેચીદો પ્રશ્ન બની જતો હોય છે ત્યારે અમદાવાદ જિલ્લામાં વિવિધ બેઠકો માટેની ટિકિટમાં કોંગ્રેસના 781 લોકોએ દાવેદારી નોંધાવી છે ત્યારે આ નામોની ચર્ચા માટે અમદાવાદ જીલ્લા કોંગ્રેસની સંકલન સમિતિની બેઠક સાણંદ શહેરના નળ સરોવર રોડ ઉપર આવેલ વિદ્યા ફાર્મ ખાતે યોજાઈ હતી.

સંકલન સમિતિની બેઠકમાં જિલ્લા કોંગ્રેસ પ્રમુખ પંકજસિંહ વાઘેલા સહીત જિલ્લા સંકલન સમિતિ ના સભ્યો, તાલુકાના હોદ્દેદારો, કાર્યકરો ઉપસ્થિત રહ્યા હતા. બેઠકમાં જિલ્લા પંચાયતના 164 ઉમેદવારો, તાલુકા પંચાયતના 437 તેમજ વિરમગામ, ધોળકા અને બારેજા નગરપાલિકાના 180 સ્થાનિક ઉમેદવારોના નામો અંગે ચર્ચા વિચારણાને લઈને બેઠક યોજવામાં આવી હતી. બેઠકને લઈને પોલીસનો બંદોબસ્ત ગોઠવાયો હતો.