કોરોના વાઇરસ:સાણંદ તાલુકાના 72 ગામને સેનેટાઈઝ કરાશે, ઝુંબેશનો સનાથલથી પ્રારંભ કરાયો

હાલ કોરોના વાયરસનો ચેપ ન ફેલાય તે માટે અને ખાસ કરીને ગ્રામ્ય વિસ્તારોમાં કોરોના પગપેસારો ન કરે તે માટે સેનેટાઈઝેશન પ્રક્રિયા ખુબ જરૂરી બની છે ત્યારે ગામડાઓના વિકાસમાં સાદ અગ્રેસર એવી અમદાવાદ ડીસ્ટ્રીકટ બેંકના ચેરમેન અજયભાઈ પટેલે, એડીસી બેંક ડીરેક્ટર અમરસંગ ચૌહાણ સહીતના ડિરેકટરોને સાથે રાખીને  ઉમદા નિર્ણય લઇ અમદાવાદ જિલ્લાના તમામ ગામોને બેંકના ખર્ચે સેનેટાઈઝ કરવાનો નિર્ધાર કર્યો છે જે અંતર્ગત સાણંદ તાલુકાના 72 ગામોને પણ લાભ મળશે. સાણંદ તાલુકાના 72 ગામોને સેનેટાઈઝ કરવાની પ્રક્રિયાનો પ્રારંભ તાલુકાના સનાથલ ગામેથી એડીસી બેંક ડીરેક્ટર અમરસંગ ચૌહાણ તેમજ ગ્રામજનોની ઉપસ્થિતિમાં આ અભિયાનનો પ્રારંભ કરાયો હતો .