ક્રાઇમ:એદલા રોડ પરથી પરપ્રાંતીય દારૂ ભરેલી કાર સાથે 1 શખ્સ ઝડપાયો

વિઠલાપુર પોલીસની ટીમે બાતમીને આધારે એદલા રોડ પરથી પરપ્રાંતિય દારૂ ભરેલી વૈભવી કાર સાથે એક શખ્સને ઝડ લીધો હતો જ્યારે 2 શખ્સોને ઝડપી પાડવા ચક્રો ગતિમાન કર્યા છે. વૈભવી કાર, મોબાઈલ અને 40,200ના પરપ્રાંતિય દારૂના જથ્થા સાથે કુલ રૂપિયા 3,45,200નો મુદ્દામાલ કબજે કર્યો હતો.

અમદાવાદ રેન્જ આઈ.જી વી ચંદ્રશેખર તથા અમદાવાદ જિલ્લા ગ્રામ્ય પોલીસ અધિક્ષક વિરેન્દ્રસિંહ યાદવની સંયુક્ત સૂચનાને ધ્યાનમાં લઈ જિલ્લાનીપોલીસે દારૂ જેવી અસામાજિક પ્રવૃત્તિઓને ડામવા કમર કસી છે. વિરમગામ વિભાગના નાયબ પોલીસ અધિક્ષક ડૉ, લવિનાસિંહના સીધા માર્ગદર્શન હેઠળ વિરમગામ વિભાગની પોલીસ ટીમ દ્વારા કાર્યવાહી હાથ ધરાઈ રહી છે. વિઠલાપુર પોલીસ સ્ટેશનના કે.એમ. પ્રિયદર્શી પોલીસ ઇન્સ્પેક્ટર, હેન્દુભાઇ અ. હે. કો., જીગ્નેશકુમાર પોલીસ કોન્સ્ટેબલ ડ્રાઇવર ,સંજય કુમાર, જયેન્દ્રસિંહ, હરેશભાઈ સહિતની પોલીસ ટીમ પેટ્રોલિંગમાં હતી એ દરમિયાન બાતમી મળી હતી કે એંદલા માર્ગ પરથી દારૂ ભરેલી કાર આવી રહી છે. બાતમીના આધારે પોલીસે વોચ ગોઠવી હતી. વૈભવી કારને દારૂના જથ્થા સાથે એક શખ્સને ઝડપી લીધો હતો.

કારની તલાશી લેતાં તેમાંથી પરપ્રાંતિય વિદેશી દારૂની વિવિધ બ્રાન્ડની બોટલો અને બિયર સાથે કુલ રૂ. 40,200 દારૂ ઝડપી પાડયો હતો. કાર સાથે સંદેશ સિંહ ધીરુભા ઝાલા (રહે. દેત્રોજ)ને ઝડપી લીધો હતો જ્યારે 2 શકસ સેધુભા સોલંકી (રહે. વિઠલાપુર), ધમભા સોલંકી (રહે વિઠલાપુર)ને ઝડપી પાડવા પોલીસે ચક્રો ગતિમાન કર્યા છે.