ક્રાઇમ:નરોડામાં ક્રિકેટલીગ પર સટ્ટો રમાડનાર યુવકની ધરપકડ

નરોડામાં ક્રિક્રેટ લીગ પર સટ્ટો રમાડતા રાણીપના યુવાનની પોલીસે ધરપકડ કરી છે.

રાણીપ પોલીસ સ્ટેશનના એલ.આર.ડી. મયૂરસિંહ કરણસિંહને બાતમી મળતા પોલીસ ટીમે નરોડા સ્મશાન પાસે કેનાલ નજીક બિગબોસ લીગ ટી-20 પર સટ્ટો રમાડતા કાર્તિક હરેશભાઈ પટેલ (રહે.રાણીપ)ને ઝડપી લીધો હતો. કાર્તિકનો મોબાઈલ તપાસતા તેમાં સટ્ટાની વેબસાઇટમાં મહાદેવ7 નામના આઇડીમાં બ્રિસબેન હિટ અને હોબાટ હેરિકેન્સ વચ્ચેની મેચ પર સટ્ટો ચાલી રહ્યો હતો. કાર્તિકે કહ્યું હતું કે, સટ્ટો રમવા બીજા ત્રણ આઇડી પ્રિન્સ શાહે (રહે. ન્યૂ રાણીપ) આપ્યા હતા. જેમાં નિલ પટેલ, રોનક ઉર્ફે રોબટ શાહ અને જેકી લોધાને આપ્યા છે. પોલીસે કાર્તિકની ધરપકડ કરી અન્ય લોકોની તપાસ શરૂ કરી છે.