કોરોનાવાયરસ:‘અમને વતને જવા નહીં મળે’ એમ વિચારીને ચાંગોદરમાં શ્રમિકોએ એકસાથે દોટ મૂકી

રાજ્ય સરકારે રવિવારથી ટ્રેનમાં 1200ના બદલે 1600 શ્રમિકોની બેઠક વ્યવસ્થા કરી છે. રવિવારે ઉત્તર પ્રદેશની 10 ટ્રેનોમાં 16 હજાર શ્રમિકોને બેસાડવામાં આવ્યા હતાં. ચાંગોદરમાં વતન જવાની માગ સાથે રવિવાર સવારે સંખ્યાબંધ શ્રમિકોએ ‘અમને વતન જવા નહીં મળે અમે રહી જઈશું’ એમ વિચારીને પોલીસની હાજરીમાં જ રસ્તા પર દોટ મૂકી હતી. હજારોની સંખ્યામાં ઊમટી પડેલા આ ટોળાંએ સોશિયલ ડિસ્ટન્સિંગનુ સહેજ પણ પાલન કર્યું ન હતું.