સુનાવણી:તાપીમાં એક બેઠક પર 3 ટર્મથી મહિલા રિઝર્વને હાઇકોર્ટમાં પડકારાઈ

તાપીમાં સોનગઢની બેઠક પર છેલ્લા 3 ટર્મથી અલગ-અલગ જાતિની મહિલા બેઠકોને રીઝર્વ રખાતા સરકારની અનામત રોટેશનની પ્રક્રિયા સામે થયેલી અરજી હાઇકોર્ટે ફગાવી દીધી છે.

અરજીમાં એવી રજુઆત કરાઇ છે કે આ બેઠક પર છેલ્લી 3 ટર્મથી મહિલાઓને જ બેઠક રીઝર્વ રાખવામાં આવે છે તેના કારણે પુરૂષ ઉમેદવારોને તેનાથી વંચિત રહેવું પડે છે. સરકારની અનામત રોટેશનની પ્રક્રીયા ગેરબંધારણીય અને અન્યાયી છે તે રદ થવી જોઇએ. જસ્ટિસ જે.બી પારડીવાલાની ખંડપીઠે અરજી ફગાવી દેતા એવું અવલોકન કર્યુ છે કે ચૂંટણીઓ નજીક છે ત્યારે કોર્ટ સરકારી નીતિમાં દખલ કરવા માગંતી નથી.

દિનેશભાઇ ગામીતે કરેલી અરજીમાં રજુઆત કરાઇ હતી કે, તાપીના સોનગઢ તાલુકામાં છેલ્લી ત્રણ ટર્મથી પંચાયતની ચૂંટણીમાં તાપી તાલુકાની રીઝર્વ બેઠકો પર મહિલાઓને જ રીઝર્વ કરવામાં આવે છે જેના કારણે પુરૂષો ચૂંટણીમાં ઉમેદવારી કરી શકતા નથી.