આપઘાતનો પ્રયાસ:મણિનગર અંડપાસ પાસે મહિલાએ ટ્રેનની પડતું મુકતા ટ્રેન સાથે ઢસડાઈ, પોલીસે જીવતી બહાર કાઢી

શહેરના મણિનગર અંડરપાસમાં અજાણી મહિલાએ ટ્રેન સામે પડતું મુક્યું છે. મહિલાએ કટરા-ગાંધીધામ એક્સપ્રેસ ટ્રેન નીચે પડતું મુક્યું હતું. ઘટનામાં રેલગાડી સાથે મહિલા થોડાક ફૂટ સુધી ઢસડી હતી. તે સમયે ત્યાર ઉપસ્થિતિ સ્થાનિકો તેમજ રેલવે પોલીસે મહિલાને જીવતી હાલતમાં ટ્રેન નીચેથી બહાર કાઢી હતી. ત્યારબાદ મહિલાને 108 દ્વારા સારવાર અર્થે હોસ્પિટલ ખસેડાઈ હતી.

દક્ષિણ પાસેના રેલવે અંડરપાસની દિવાલ ટૂંકી હોવાથી અનેક લોકો ત્યાંથી કુદકો મારી ટ્રેન નીચે પડતું મુકી મોત વ્હાલું કરી લેતા હોય છે. જ્યારે કેટલાક લોકો શોર્ટકટ મારવા માટે અહીંથી આવર-જવર કરતા હોય છે. જેના કારણે અકસ્માતની ઘટના બને છે. તંત્રને પણ દિવાલને ઉંચી કરવા માટે અનેક રજૂઆતો કરવામાં આવી છે. છતા હવે ક્યારે કામગીરી થાય તેની રાહ છે. એક અઠવાડિયા પહેલા પણ બે વિદ્યાર્થીઓ અંડરપાસની દિવાલ કુદીને ટ્રેન સાથે અથડાતા એકનું ઘટના સ્થળે જ મોત જ્યારે અન્ય એક ગંભીર રીતે ઈજાગ્રસ્ત થયો હતો.