ભાસ્કર એક્સક્લૂઝિવ:ઉત્તરાયણના બંને દિવસ કલાકના 7થી 12 કિમીની ઝડપનો પવન રહેશે, પતંગ ચગાવવાની મજા પડશે

અમદાવાદએક મહિનો પહેલાલેખક: સમીર રાજપૂત
  • કૉપી લિંક
ઘાતક ચાઈનીઝ દોરીના વેચાણ સામે કડક પગલાં લેવાની હાઈકોર્ટની સૂચના પછી પોલીસે લોકોમાં અવેરનેસ માટે રિક્ષા ફેરવી ઝુંબેશ શરૂ કરી છે. - Divya Bhaskar
ઘાતક ચાઈનીઝ દોરીના વેચાણ સામે કડક પગલાં લેવાની હાઈકોર્ટની સૂચના પછી પોલીસે લોકોમાં અવેરનેસ માટે રિક્ષા ફેરવી ઝુંબેશ શરૂ કરી છે.
  • છેલ્લાં 8 વર્ષમાં 4 વર્ષ એવાં ગયાં હતાં જેમાં પવને પતંગ રસિયાઓની મજા બગાડી હતી
  • જીવેલણ બનતી ચાઈનીઝ દોરીનો ઉપયોગ ટાળવા પોલીસે રિક્ષા ફેરવી ઝુંબેશ શરૂ કરી

ઉત્તરાયણ અને વાસી ઉત્તરાયણના દિવસે પતંગબાજીની મજા પવનની ઝડપ પર આધારિત હોય છે. આ વર્ષે ઉત્તરાયણમાં સવારે અને સાંજે પ્રતિ કલાક 7થી 12 કિ.મી.ની ઝડપના પવનો ફૂંકાશે. જે પતંગ ચગાવવા માટે શ્રેષ્ઠ કહેવાય. આ માહિતી હવામાન નિષ્ણાતે આપી છે.

વિશેષજ્ઞ અંકિત પટેલ જણાવે છે કે, આ વર્ષે ઉત્તરાયણ અને વાસી ઉત્તરાયણને દિવસે સવારે 8થી 12.30 વાગ્યા દરમિયાન 7થી 10 કિ.મી. પ્રતિ કલાક અને બપોરે 1થી પવનની ઝડપ ઘટીને 5થી 6 કિલોમીટરની આસપાસ રહેવાની શક્યતા છે, બપોરના સમયે પવન પ્રમાણમાં થોડો ઓછો રહી શકે છે. પરંતુ બપોરે 3 વાગ્યા પછી પવનની ઝડપ ફરી પાછી 8થી 12 કિલોમીટર સુધીની થવાની શક્યતા હોવાથી પતંગ ચગાવવા માટે ઠમકા મારવાનો વારો નહીં આવે.

2016, 2018 અને 2020માં પવન પડી ગયો હતો, ગતિ શૂન્યથી માંડ 3-4 કિમીની રહી હતી

વર્ષતારીખપવનની ઝડપલઘુતમમહત્તમ
202214 જાન્યુ.7થી 15 કિ.મી. પ્રતિ કલાક9.524.9
15 જાન્યુ7થી15 કિ.મી. પ્રતિ કલાક9.625.9
202114 જાન્યુ.7થી 11 કિ.મી. પ્રતિ કલાક12.628.6
15 જાન્યુ.3થી 11 કિ.મી. પ્રતિ કલાક1530.5
202014 જાન્યુ.2થી 7.5 કિ.મી. પ્રતિ કલાક12.825.4
15 જાન્યુ.3થી 7.5 કિ.મી. પ્રતિ કલાક925.3
201914 જાન્યુ.11થી17 કિ.મી. પ્રતિ કલાક13.427
15 જાન્યુ.7.5થી 15 કિ.મી. પ્રતિ કલાક12.226.7
201814 જાન્યુ.0થી 7.5 કિ.મી. પ્રતિ કલાક17.332
15 જાન્યુ.3.5થી 11 કિ.મી. પ્રતિ કલાક16.731.7
201714 જાન્યુ.9થી 15 કિ.મી. પ્રતિ કલાક12.226.4
15 જાન્યુ.3.5થી 11 કિ.મી. પ્રતિ કલાક13.629.8
201614 જાન્યુ.3.5થી 9 કિ.મી. પ્રતિ કલાક15.528.4
15 જાન્યુ.0થી 3.7 કિ.મી. પ્રતિ કલાક10.428.8
201514 જાન્યુ.3.7થી 5.5 કિ.મી. પ્રતિ કલાક11.626.6
15 જાન્યુ.7.5થી 5 કિ.મી. પ્રતિ કલાક14.526.6

પવનની ગતિ પર હવાના દબાણની અસર પડે છે
દિવસે વિવિધ સમય દરમિયાન વાતાવરણના ઉપલા-નીચલા લેવલે હાઇ અને લો-પ્રેશરની વધઘટની અસર પવનની ઝડપ પર થતી હોય છે. અમદાવાદમાં હાઈરાઈઝ અને લો-રાઈઝ બિલ્ડિંગ વિસ્તારોમાં પવનની ઝડપ અલગ અલગ હોઇ શકે છે. હાઈરાઇઝ બિલ્ડિંગને કારણે પવનની ઝડપમાં અવરોધાય છે.

બુધવારથી ઠંડીમાં ક્રમશ: વધારો થવાની શક્યતા

વેસ્ટર્ન ડિસ્ટર્બન્સની અસર ઘટતાં અમદાવાદ સહિત વિવિધ શહેરોના લઘુતમ તાપમાનમાં 1થી 2 ડિગ્રીનો ઘટાડો થયો છે. જો કે મહત્તમ તાપમાન ઘટ્યું નથી. સોમવારે અમદાવાદનું મહત્તમ તાપમાન 29.7 ડિગ્રી અને લઘુતમ તાપમાન 2.5 ડિગ્રી વધીને 15.3 નોંધાયું હતું. બુધવારથી ઠંડીમાં ક્રમશ: વધારો થશે.

અન્ય સમાચારો પણ છે...