• Gujarati News
  • Local
  • Gujarat
  • Ahmedabad
  • While Living In Ahmedabad, Father in law Started Talking Nasty Things To Daughter in law, Said You Look Very Beautiful And Committed Adultery.

બાપ સમાન સસરાએ નજર બગાડી:અમદાવાદમાં રહેતાં સસરાએ પુત્રવધુ સાથે બીભત્સ વાતો શરૂ કરી, તું બહું સુંદર લાગે છે કહી દુષ્કર્મ આચર્યું

અમદાવાદ10 દિવસ પહેલા
  • કૉપી લિંક
પ્રતિકાત્મક તસવીર - Divya Bhaskar
પ્રતિકાત્મક તસવીર

અમદાવાદમાં સસરાએ પુત્રવધૂ સાથે દુષ્કર્મ આચર્યું હોવાનું સામે આવતા સનસનાટી મચી ગઈ છે. સમગ્ર મામલે ભોગ બનેલ પરિણીતાએ નારણપુરા પોલીસમાં ફરિયાદ નોંધાવી છે જેંને લઈને પોલીસે આરોપી સસરા સુધી પહોંચવા તપાસ હાથ ધરી છે.પતિ અને સાસુની ગેરહાજરીમાં રસોઈ બનાવી રહેલી પુત્રવધૂ પાસે સસરા પહોંચ્યા અને તું બહુ જ સારું કામ કરે છે અને ઘણું બધું કામ કરે છે, તું થાકી ગઈ હોઈશ તો હોલમાં આવીને મારી પાસે બેસ. આમ કહીને સસરાએ પુત્રવધુ સાથે બીભત્સ વાતો શરૂ કરી અને ધમકી આપીને તેની સાથે દુષ્કર્મ કર્યું હતું.

ખરાબ દાનત રાખીને શારીરિક અડપલા કરતા
પ્રાપ્ત વિગતો પ્રમાણે નારણપુરા વિસ્તારમાં રહેતી એક મહિલાએ પોલીસ ફરિયાદ દાખલ કરાવી છે. મહિલાનો આરોપ છે કે, તેના લગ્ન બાદ તેના સાસુ સસરા સાથે નાની મોટી બાબતે કર ઘર કંકાસ થતો હતો. પરંતુ મહિલા બધું સહન કરતી હતી. મહિલા જ્યારથી તેની સાસરીમાં આવી ત્યારથી જ તેના સસરા તેના પર ખરાબ દાનત રાખતા હતા. અને જ્યારે પણ મહિલા ઘરમાં એકલી હોય ત્યારે તેના સસરા ખરાબ દાનત રાખીને તેની સાથે શારીરિક અડપલા કરતા હતા. એક દિવસ તેના પતિ અને સાસુ નોકરી ઉપર ગયા હતા.

બળજબરીપૂર્વક શારીરિક સંબંધ બાંધ્યો હતો
ત્યારે મહિલાના સસરા રસોડામાં રસોઈ બનાવી રહેલ પુત્રવધુ પાસે આવ્યા હતા અને તું બહુ જ સારું કામ કરે છે અને ઘણું બધું કામ કરે છે અને તું થાકી ગઈ હોઈશ તો હોલમાં આવીને મારી પાસે બેસ. આમ કહીને સસરાએ પુત્રવધુ સાથે બીભત્સ વાતો શરૂ કરી. જોકે મહિલા તેના બેડરૂમમાં જતી રહેતા તેના સસરા પણ ત્યાં પહોંચ્યા હતા અને શારીરિક હડપલા કરવા જતા મહિલાએ તેને એક લાફો મારી દીધો હતો. તેના સસરાએ તેનું મોઢું હાથથી દબાવી ધમકી આપી હતી કે, તું મને શરીર સંબંધ નહીં બાંધવા દે તો તને કાયમ માટે આશ્રમમાં મૂકી આવીશ આમ તેના સસરાએ તેની મરજી વિરુદ્ધમાં બળજબરીપૂર્વક શારીરિક સંબંધ બાંધ્યો હતો.

સાસુને જાણ કરતાં સાસુએ વાત ના સાંભળી
આ બાબતની જાણ મહિલાએ તેના સાસુને કરતા તેઓએ પણ તેની વાત સાંભળી ન હતી. અને તેની સાથે મારઝૂડ કરી ધમકી આપી હતી. જોકે તેના પતિએ પણ મહિલાની વાત પર વિશ્વાસ કર્યો ન હતો. ત્યારબાદ પણ તેના સસરા તેની સાથે શારીરિક અડપલા કરતા હતા. એટલું જ નહીં તેના સાસુએ તેની સાથે કામકાજ બાબતે બોલાચારી કરીને મારઝૂડ કરી હતી અને ધમકી આપી હતી કે, તું કોઈને કહીશ તો કોઈ મને કઈ કરીને નહીં લે. આમ અંતે કંટાળીને મહિલાએ પોલીસને જાણ કરતા પોલીસે સમગ્ર મામલે ફરિયાદ દાખલ કરીને વધુ તપાસ શરૂ કરી છે.