કાળી ચૌદશ કે રૂપ ચૌદશ:કાળો રંગ પહેરવાથી વ્યક્તિની ખામીઓ ઢંકાઈ જાય છે

દિવાળીનાં આગલા દિવસને કાળી ચૌદશ કે રૂપ ચૌદશ તરીકે ઉજવવામાં આવે છે. આ દિવસે કેટલાક લોકો કાળો રંગ પહેરવાનું પસંદ કરે છે. કાળી ચૌદશે કેમ કાળો રંગ પહેરવો અને કેમ કાળા અડદનાં દાણા ખાવા અને કાળી મેશ લગાવવામાં આવે છે.

આ વિશે વાત કરતા અમદાવાદનાં બ્લોગર્સ, આંત્રપ્રિન્યોર્સ અને યુવા વર્ગે તેમનાં સોશિયલ મીડિયા પર કાળા કપડાં પહેરીને ફોટો પોસ્ટ કર્યો. ફેશન બ્લોગર અભિનિષા ઝુબિન આશરાનું કહેવું છે કે, કાળો રંગ વર્સેટાઈલ ગણાય છે અને હંમેશા ઈનટ્રેન્ડ છે. કાળા રંગને કારણે માણસની ખામીઓ ઢંકાઈ જતી હોય છે. ફેશન ઈન્ડસ્ટ્રીમાં માનવામાં આવે છે કે કાળા રંગનાં કપડા પહેરવાથી તે લોકોને વધુ આર્કષિત કરે છે અને લોકો પાતળા દેખાય છે .

ફેશન બ્લોગર અને ઈન્ફલ્યુઅન્સર અભિનિષા ઝુબિન આશરા, રિદ્ધિ ઝાલા, આરતી રાજપૂત, અદિતિ આયુષ મહેતાનું કહેવું છે કે વોર્ડરોબમાં કાળા આઉટફિટની 5 જોડી રાખતા જ હોય છે અને અઠવાિડયામાં એકવાર તો તે પહેરીએ છીએ. જોકે, કોઈ આઉટફિટના સૂજે તો કાળા રંગનો આઉટફિટ બેસ્ટ ઓપ્શન છે. કાળી ચૌદશને દેશના કેટલાક શહેરોમાં રૂપ ચૌદશ તરીકે પણ ઉજવવામાં આવે છે.