લોકોની સુરક્ષા સામે સવાલ:અમદાવાદમાં લગ્ન સમારોહમાં હુક્કા બાર-ફાયરિંગનો વીડિયો વાયરલ થતા બાપુનગર પોલીસે 10 આરોપીઓની અટકાયત કરી, તલવાર-બંદૂક જપ્ત કરી

અમદાવાદ2 વર્ષ પહેલા
આરોપીઓની તસવીર - Divya Bhaskar
આરોપીઓની તસવીર

દાણીલીમડા વિસ્તારમાં લગ્નના સમારોહમાં હુક્કા બાર અને ફાયરિંગનો વિડીયો વાયરલ છે. ગુડ લક પાર્ટી પ્લોટનો વિડીયો હોવાની શક્યતા હાલમાં જણાઈ રહી છે. લગ્ન પાર્ટીમાં બેફામ હુક્કા બાર ધમધમી રહ્યું છે તેવું વીડિયોમાં દેખાઈ રહ્યું છે. દાણીલીમડા પોલીસને જાણ કર્યા હોવા છતાં પાર્ટી થતી હોવાની ચર્ચા ચાલી રહી છે.

ગુડ લક પાર્ટી પ્લોટનો વિડિયો વાઇરલ થયો
ગુડ લક પાર્ટી પ્લોટનો વિડિયો વાઇરલ થયો

બાપુનગર પોલીસે કાર્યવાહી કરી આરોપીઓની અટકાયત કરી
દાણીલીમડા વિસ્તાર સિવાય બાપુનગરમાં જાહેરમાં તલવાર વડે કેક કાપતો અને ફાયરિંગ અંગેનો વીડિયો વાયરલ થયો હતો. જેમાં દેવ બાદશાહ નામનો યુવક જાહેરમાં તલવારથી કેક કાપી અને ઉજવણી કરતો હતો. આ ઉપરાંત ફાયરિંગ કર્યું હતું. જે મામલે વીડિયો બહાર આવતાં બાપુનગર પોલીસ દોડતી થઈ હતી અને વીડિયોના આધારે 10 આરોપીઓની અટકાયત કરી તલવાર તેમજ ગેરકાયદેસર બંદૂક કબ્જે કરી હતી. બાપુનગર વિસ્તારમાં આ રીતે જાહેરમાં તલવાર વડે કેક કાપવાનો કિસ્સો પહેલી વાર નથી. અનેક લોકો અમે ગુનેગારો જાહેરમાં આ રીતે તલવારો વડે કેક કાપતા ઉજવણી તેમજ ધમકી આપતા હોય છે ત્યારે બાપુનગર પોલીસ સ્ટેશનના પીઆઇથી PSIનો ડર ગુનેગારોમાં રહ્યો નથી. પોલીસ વહિવટોમાંથી બહાર આવતી નથી અને ગુનેગારોને ખુલ્લો દોર મળ્યો છે.

આરોપીઓના નામ

  • દેવેન્દ્રકુમાર અશોકભાઈ શુક્લા
  • મનિષ અશોકભાઈ શુક્લા
  • રાહુલ કિશોરભાઈ શુક્લા
  • સંજય શિવપ્રકાશ શુક્લા
  • રાજ શિવપ્રકાશ શુક્લા
  • રાહુલ ચંદુલાલ તાજપરીયા
  • સંદીપ પ્રેમનારાયણ પ્રજાપતિ
  • મોહમદ સાહીદ
  • જગદીપ પ્રેમનારાયણ પ્રજાપતિ

તેમજ આ વિડીયોમાં એક શખ્સ તલવાર દ્વારા દેવ બાદશાહ નામ લખેલી કેક કાપતો જોવા મળે છે. તેમજ આ જ શખ્સના હાથમાં પિસ્તોલ સાથેને ફોટો પણ વાયરલ થયો છે. દાણીલીમડા પોલીસે આ વાયરલ થયેલા વિડીયોને લઈને તપાસ શરૂ કરી છે. દાણીલીમડામાં હુક્કા બારની પાર્ટી અને ફાયરિંગથી સુરક્ષાને લઈને સવાલ ઉભા થઈ રહ્યા છે. કાયદા વ્યવસ્થાની સ્થિતિને લઈને પ્રશ્નો પણ ઉભા થયા છે.

એક શખ્સે તલવારથી દેવબાદશાહ નામ લખેલી કેક કાપી
એક શખ્સે તલવારથી દેવબાદશાહ નામ લખેલી કેક કાપી

આર્મ્સ એક્ટ મુજબ ગુનો નોંધાશેઃ દાણીલીમડા પીઆઇ
આ મામલે દાણીલીમડા પોલીસ સ્ટેશનના પીઆઇ. એમ.એમ. લાલીવાલાએ DivyaBhaskar સાથેની વાતચીતમાં જણાવ્યું હતું કે ગુડલક પાર્ટીપ્લોટ આસપાસના વિસ્તારનો વિડીયો સામે આવ્યો છે જેને લઈ તપાસ કરવામાં આવી છે અને આર્મ્સ એકટ મુજબ ગુનો નોંધવાની પ્રક્રિયા શરૂ કરી દેવામાં આવી છે

તલવાર સાથે કેક કાપનારો શખ્સ અને તેનો મિત્ર
તલવાર સાથે કેક કાપનારો શખ્સ અને તેનો મિત્ર
પોલીસની કામગીરીને લઈ લોકોમાં રોષ જોવા મળી રહ્યો છે
પોલીસની કામગીરીને લઈ લોકોમાં રોષ જોવા મળી રહ્યો છે