બદલી:નવરંગપુરા, શાહપુર સહિતના વધુ 5 PIની બદલી, 3 દિવસમાં 23ને ટ્રાન્સફર અપાઈ

અમદાવાદ પોલીસ કમિશનર સંજય શ્રીવાસ્તવે બુધવારે વધુ 5 પીઆઈની આંતરિક બદલી કરી હતી. જેમાં નવરંગપુરા સિનિયર પીઆઈ પી.બી. દેસાઈને અમરાઈવાડી પીઆઈ તરીકે, શાહપુર સેકન્ડ પીઆઈ આર.જે. ચુડાસમાને નવંરગપુરા સિનિયર પીઆઈ, અમરાઈવાડી પીઆઈ એન.એલ.દેસાઈને ક્રાઈમ બ્રાંચના ઈકોનોમિક સેલના પીઆઈ, મહિલા પૂર્વ પો. સ્ટેશનના પીઆઈ જી.એચ.પઠાણને સ્પે. બ્રાંચમાં અને સ્પેશિયલ બ્રાંચના પીઆઈ વી.એમ. ટાંકને મહિલા પૂર્વ પોલીસ સ્ટેશનના પીઆઈ તરીકે બદલી કરાઈ છે.

છેલ્લા 3 દિવસમાં પો. કમિશનર સંજય શ્રીવાસ્તવે 23 પીઆઈની ટ્રાન્સફર કરી છે. જેમાં મોટા ભાગના પીઆઈને એક જ જગ્યાએ 3 વર્ષ પૂરાં થયાં હતાં.