આર્ટ એન્ડ કલ્ચર:માટીના બનેલા રંગોથી જ આંગણું શોભાવશે પરંપરાગત રંગોળીઓ

અમદાવાદએક વર્ષ પહેલા
  • કૉપી લિંક
  • શહેરીજનો આ વખતે ઘરમાં દિવાળી ઊજવશે , ફૂલો અને દિવડાઓથી રંગોળી થશે

સામાન્ય રીતે દિવાળીને લઈને ૩ મહિના અગાઉ શરૂ થઈ જતી હોય છે. પણ , આ વર્ષે કોરોનાને કારણે શહેરીજનોએ ઘરમાં દિવાળી ઉજવવાનું નક્કી કર્યું છે. દિવાળી આવતાની સાથે માર્કેટમાં રંગોળી માટે રંગો મળવા લાગે છે. પણ, કોરોનાને લીધે આ વખતે માર્કેટમાં મંદી છે જેથી લોકો ઘરે રંગો બનાવવાની તૈયાર દેખાડી રહ્યા છે. માર્કેટમાં વેચાણ ૩૦ -૪૫ ટકા જેટલું છે . શહેરીજનોનું માનવું છે કે જો ઘરે મિઠાઈ બની શકતી હોય તો રંગ પણ ઘરે બની શકે છે. આ સિવાય પેપરની ડિઝાઈનર રંગોળી પણ મળે છે જેને રિયુઝ કરી શકાય.

કોરોનાકાળમાં આ રીતે ઘરે જ રંગો બનાવી શકો છો
રંગોને માટીમાંથી તૈયાર કરવામાં આવે છે. જેમાં સૌપ્રથમ માટીને ચારણીમાં ચાળી તેના જેટલા રંગ બનાવવા હોય તેટલી માટીને નાના બાઉલમાં અલગ કરવી. આ પછી તેમાં વોટર કલરનાં રંગ ઉમેરી થોડું પાણી નાંખી તેને મિક્સ કરો અને ત્યારબાદ સુકાવા દો. આ રીતે તમે ઘરે જ બહાર મળતાં રંગો તૈયાર કરી શકો છો.

રંગોળીની ઓનલાઈન સ્પર્ધાનું પણ આયોજન
મૂખૌટેના ઉપક્રમે આ વખતે ઓનલાઈન રંગોળી સ્પર્ધાનું આયોજન થયું છે જેમાં 14 નવેમ્બરથી 16 નવેમ્બર સુધી ઘરે બનાવેલી રંગોળીના ફોટો, વિડિયો મોકલી શકાય છે. મૂખૌટે રંગોળી 20-20 સ્પર્ધાના ડિજીટલ પ્લેટફોર્મ પર આ રંગોળીના વિડિયો અને ફોટો જોઈ શકાશે.

રંગોળી પર ફૂલો અને દીવડાથી ડેકોરેશન
વૈશાલી પરીખે જણાવ્યું હતું કે, રંગોળી બનાવવી અત્યંત ધિરજનું કામ છે. તેમાં બેસીને વર્ક કરાય છે. જો કે મને બેક પ્રોમ્લેબ છે એટલે બહુ લાંબો સમય જમીન પર બેસી રંગોળી કરી શકતી નથી. હું પહેલેથી ક્રિએટીવ ફિલ્ડમાં છું માટે મે તેનો ઉપાય કાઢ્યો અને પેપરનાં લેયર કરી રંગોળી બનાવવાનું શરુ કર્યું હતું. જેમાં મેલ્ટી કલર પેપરને વિવિધ ડિઝાઈનમાં કટ કરી તેની રંગોળી તૈયાર કરાય છે. આને ઘરમાં ડેકોરેશનમાં પણ વાપરી શકાય છે . આ સાથે વિદેશ લોકો સૌથી વધુ ઓર્ડર કરે છે. આ સાથે કોરોનામાં કલર લાવવા એના કરતા આ રંગોળી સમય બચાવીને સજાવટનું કામ કરે છે.

અન્ય સમાચારો પણ છે...