ઠગાઈ:હાઈપ્રોફાઇલ યુવતીઓ સાથે સેક્સના નામે રૂપિયા પડાવનારા ત્રણને પાસા, યુવકે ઇન્ટરનેટ પર એસ્કોર્ટ સર્ચ કરતા સાઇબર માફિયાની જાળમાં ફસાયો

અમદાવાદ3 મહિનો પહેલા
  • કૉપી લિંક
પ્રતિકાત્મક તસવીર - Divya Bhaskar
પ્રતિકાત્મક તસવીર
  • મીટિંગ, ડેટિંગ, સંબંધ બાંધવાને નામે ઓનલાઇન ટ્રાન્ઝેક્શન કરાવતા હતા

હાઈ પ્રોફાઇલ યુવતીઓ સાથે મીટિંગ, ડેટિંગ અને શરીર સંબંધ બાંધવાના બહાને વિવિધ ચાર્જીસના નામે રૂપિયા પડાવતી ડુંગરપુરની રાજસ્થાની ગેંગના ત્રણની સાઇબર ક્રાઇમ પોલીસની દરખાસ્તના આધારે પાસા હેઠળ ધરપકડ કરી ત્રણેયને ભુજની પાલરા જેલમાં મોકલી આપવામાં આવ્યા છે.

અમદાવાદનો એક યુવક 21 ફેબ્રુઆરીએ ફોન પર ટાઇમ પાસ કરતો હતો. તે સમયે ગુગલ સર્ચ પર અમદાવાદમાંથી એસ્કોર્ટ સર્વિસ મળે છે કે કેમ તે સર્ચ કર્યું હતું. આ દરમિયાન ગુગલમાંથી એકલ્યુટ ડોટકોમ નામની લિંક આવી હતી, જેની પર ક્લિક કરતા તરત જ એક અજાણ્યા ફોન પર વોટ્સઅેપ ઓપન થયું હતું અને તેના પરથી એક કલાકથી માંડીને ફુલનાઈટ સુધીનું ભાવપત્રક મોકલી આપ્યું હતું.

ત્યાર બાદ યુવકે આ પેકેજમાંથી એક કલાકનું પેકેજ લેવા સંમતિ આપી હતી, જેથી અજાણી વ્યક્તિએ વોટ્સએપ નંબર પરથી એસ્કોર્ટ સર્વિસ પૂરી પાડવાની વાત કરીને હાઈપ્રોફાઈલ ગર્લ સાથે મીટિંગ, ચેટિંગ અને સેક્સના બહાના હેઠળ વિવિધ પ્રકારના ચાર્જીસ પેટે પેકેજ માટે ફોન પે મારફતે અલગ અલગ રકમના છ ટ્રાન્ઝેક્શન કરાવી છેતરપિંડી કરી હતી. જોકે યુવકે સાઇબર ક્રાઈમ પોલીસમાં ફરિયાદ નોંધાવતા પોલીસે અમરજી પાટીદાર, મણિલાલ પાટીદાર, ભરત ઉર્ફે ભૂરો રતનજી પાટીદાર (ડુંગરપુર, રાજસ્થાન)ની ધરપકડ કરી હતી.

ત્રણેયને ભુજની પાલારા જેલમાં મોકલી દેવાયા
આ ત્રણે આરોપીની સાઇબર ક્રાઇમ ઓફેન્ડરની પાસાની દરખાસ્ત તૈયાર કરીને અમદાવાદ પોલીસ કમિશનરને મોકલી આપી હતી. આથી પોલીસ કમિશનરે તેને ગ્રાહ્ય રાખીને ત્રણેયના વોરન્ટ જાહેર કર્યા હતા. આમ ત્રણેય આરોપીને વોરન્ટની બજવણી કરીને ભુજની પાલારા જેલ ખાતે મોકલી આપવામા આવ્યા છે.

અન્ય સમાચારો પણ છે...