• Gujarati News
  • Local
  • Gujarat
  • Ahmedabad
  • This Is The Employment Model Of Gujarat GPSC Received A Total Of 30 Lakh Applications For Recruitment To 7 Thousand Posts In 4 Years, The Government Earned 5 Crore.

ભાસ્કર RTI:આ છે ગુજરાતનું રોજગાર મોડેલ - GPSCને 4 વર્ષમાં 7 હજાર જગ્યા પર ભરતી માટે કુલ 30 લાખ અરજી મળી, સરકારને 5 કરોડની કમાણી

અમદાવાદએક મહિનો પહેલાલેખક: ઝુલ્ફીકાર તુંવર
  • કૉપી લિંક
ફાઇલ તસવીર - Divya Bhaskar
ફાઇલ તસવીર
  • પોલીસ ઇન્સ્પેક્ટરની 100 જગ્યા માટે 3.50 લાખ અરજી
  • ડૉક્ટરોને સરકારી નોકરીમાં રસ નહીં, સૌથી વધુ માગ નાયબ મામલતદારની પોસ્ટ માટે
  • વિવિધ પરીક્ષાઓના ઉમેદવારો પાસેથી સરકારને આવક, ગૌણ સેવા પસંદગી મંડળ પાસે ભરતીઓ અંગેનું કોઈ રજિસ્ટર નથી

ગુજરાત જાહેર સેવા આયોગ દ્વારા છેલ્લા 4 વર્ષમાં સરકારી કચેરીઓ માટે વિવિધ સેવાઓની અંદાજે 7 હજારથી વધુ જગ્યાઓ માટે બહાર પડાયેલી જાહેરાતોની સામે 30 લાખથી વધુ ઉમેદવારોએ અરજીઓ કરી હતી. આયોગને આ પરીક્ષાઓના ફોર્મની ફી થકી અંદાજે રૂ. 5 કરોડથી વધુ રકમની આવક થઈ છે.

દિવ્ય‌ ભાસ્કર દ્વારા કરવામાં આવેલી RTI અરજીના જવાબમાં આયોગ દ્વારા આ માહિતી આપવામાં આવી છે. આરટીઆઇના જવાબમાં એક ચોંકાવનારી બાબત એ પણ સામે આવી છે કે ડૉક્ટર્સને સરકારી નોકરીમાં રસ નથી. પીડિયાટ્રિશિયનની 145 જગ્યાઓ માટે માત્ર 34 અરજીઓ જ્યારે રેડિયોલોજિસ્ટની 49 જગ્યાઓ સામે 20 અરજીઓ આવી હતી.

સરકારી નોકરી માટે સૌથી ઓછી હરિફાઈ તબીબોમાં છે. ક્લાસ-1 અને ક્લાસ-2, પોલીસ ઇન્સ્પેક્ટર, ચીફ ઓફિસર વગેરે જેવી જગ્યાઓ માટે મોટી સંખ્યામાં ઉમેદવારોએ અરજીઓ કરી હતી. બીજી તરફ, ગૌણ સેવા પસંદગી મંડળ દ્વારા ભરતીઓનું આવું કોઈ રજિસ્ટર નીભાવવામા આવતું નહીં હોવાની માહિતી સામાન્ય વહીવટ વિભાગ દ્વારા આપવામાં આવી હતી.

ફિઝિશિયનની 61 જગ્યાઓ સામે માત્ર 62 ઉમેરવારોએ અરજી કરી

જગ્યાનું નામજગ્યાઅરજી
રેડિયોલોજિસ્ટ4920
ફિઝિશિયન6162
પીડિયાટ્રિશિયન14534
વ્યાખ્યાતા,શલ્યતંત્ર45
વ્યાખ્યાતા,સ્વસ્થવૃત34
વ્યાખ્યાતા, રચના શરીર65
વ્યાખ્યાતા, પ્રસૂતિ, સ્ત્રી રોગ44
રીડર, એનેટોમી12
રીડર, ફાર્મસી12
સહપ્રાધ્યાપક, પીડિયાટ્રીક સર્જરી34
સહપ્રાધ્યાપક, કાર્ડિયો વાસ્ક્યુલર31
સહપ્રાધ્યાપક, ન્યૂરો સર્જરી65

2019-20માં 3022 જગ્યાઓ માટે 10.63 લાખથી વધુ અરજી

વર્ષજગ્યાઓઅરજીઓઆવક
2018-191604850426-
2019-20302210633311,55,28,100
2020-2123006955601,67,12,400
2021-22--64,12,100

આ જગ્યાઓ માટે સૌથી વધુ અરજીઓ

જગ્યાનું નામજગ્યાઓઅરજીઓ
નાયબ સેક્શન અધિકારી/નાયબ મામલતદાર720625096
વહીવટી સેવા/મુલ્કી સેવા/મુખ્ય અધિકારી660798051
પોલીસ ઇન્સ્પેક્ટર100347540

સૌથી ઓછી અરજી... આરોગ્ય-પરિવાર કલ્યાણ વિભાગની જગ્યાઓ માટે સૌથી ઓછી અરજીઓ આવી હતી. 3 વર્ષમાં ડૉક્ટર્સની 1946 જગ્યા સામે 17 હજાર અરજીઓ આવી હતી. 2-3 સેવાની જગ્યામાં વધુ અરજીઓ આવી હતી.

ગુજરાતમાં 8.8% પોસ્ટ-ગ્રેજ્યુએટ્સ, 5.3% ગ્રેજ્યુએટ્સ બેરોજગાર!
ગુજરાતમાં 8.8% પોસ્ટ-ગ્રેજ્યુએટ્સ જ્યારે 5.3% ગ્રેજ્યુએટ્સ યુવાનો બેરોજગાર છે. રાજ્યમાં 15 વર્ષની ઉપરના અને વિવિધ એજ્યુકેશન લેવલમાં સરેરાશ બેરોજગારી દર 2% છે. ડિપ્લોમા-સર્ટિફિકેટ કોર્સમાં 5.2% યુવાનો બેકાર છે. ગત 26મી જુલાઇએ લોકસભામાં એક પ્રશ્નના જવાબમાં આ માહિતી આપવામાં આવી હતી.

શિક્ષિત બેરાજગારોની સ્થિતિ

શિક્ષણ લેવલબેરોજગારો
માધ્યમિક3.90%
ઉચ્ચતર માધ્યમિક3.50%
ડિપ્લોમા-સર્ટિફિકેટ કોર્સ5.20%
ગ્રેજ્યુએટ5.30%
પોસ્ટ ગ્રેજ્યુએટ8.80%
સરેરાશ કુલ2.00%

​​​​​​ગૌણ સેવા પસંદગી મંડળ પાસે કોઈ રેકોર્ડ નથી

RTIના જવાબમાં સામાન્ય વહિવટ વિભાગ દ્વારા જણાવવામાં આવ્યું છે કે ગુજરાત ગૌણ સેવા પસંદગી મંડળ દ્વારા છેલ્લા 3 વર્ષમાં કરાયેલી ભરતીઓ અંગે અને લેવાયેલી પરીક્ષાઓ બાબતે કોઈ રેકોર્ડ/રજિસ્ટર નિભાવવામાં આવતું નથી. તેમજ, જાહેર માહિતી અધિકારીએ માહિતી જે રૂપમાં હોય તે રૂપે પૂરી પાડવાની હોય છે. તેના પર સંશોધન કરી, નિષ્કર્ષરૂપે માહિતી તારવી અરજદારને પૂરી પાડવાની નથી જેથી માંગવામાં આવેલી માહિતી આપી શકાય એમ નથી. અત્રે ઉલ્લેખનીય છે કે છેલ્લા ઘણા સમયથી પેપર ફૂટવા બાબતે ગૌણ સેવા પસંદગી મંડળ વિવાદોમાં છે.

અન્ય સમાચારો પણ છે...