2020ની સૌથી સશક્ત તસવીરો:જિંદગીનું સત્યઃ સંકટથી સમાધાન તરફ ચાલવું એ જ જીવન, પ્રેમ આપણને અતિરેક નહીં, સંયમ શીખવે છે

સંકટથી સમાધાન તરફ ચાલવું એ જ જીવન
લૉકડાઉન વખતે મજૂરોની હિજરતની આ તસવીર આજે પણ લોકોના દિલોદિમાગમાં કેદ છે. મોટા લોકો મોટી સમસ્યાઓનો બોજ લઈને જઈ રહ્યા છે, જ્યારે બાળપણ પગપાળા ચાલે છે, થાકે છે ત્યારે આરામ કરે છે, પરંતુ અટકતું નથી. આ તસવીર કહે છે કે, દરેક સંકટમાં સમાધાન તરફની આ નિરંતર સફર જ જીવન છે.

પ્રેમ આપણને અતિરેક નહીં, સંયમ શીખવે છે

કોરોના કાળમાં પોલીસકર્મીઓ અને ડૉક્ટરો કોઈ સુપરહીરોથી કમ ન હતા. તેઓ તણાવ-થાક હોવા છતાં પરિવારના સભ્યોથી સલામત અંતર જાળવીને ડ્યૂટી કરતા. ઈન્દોરની આ તસવીરમાં એ બધા જ રંગ દેખાય છે. આ પોલીસકર્મી પિતા અને પુત્રી વચ્ચેનું અંતર જ તેમના પ્રેમના સંયમની તસવીર છે.