રાહત:ટેક્સમાં રાહતની મુદત 31 જાન્યુઆરી સુધી લંબાવાઈ

શહેરમાં એક તરફ લોકડાઉનને કારણે અપાનારી ટેક્સની રાહતની મુદત મ્યુનિ.એ 31 જાન્યુઆરી સુધી લંબાવી છે. પરંતુ બજેટમાં પ્રોપર્ટી ટેક્સની આવક 1200 કરોડ અંદાજવામાં આવી હતી, ત્યાં હજુ સુધી માંડ 712.31 કરોડની આવક થઇ છે. ગત વર્ષની સરખામણીએ 73 કરોડની ઓછી આવક થઇ છે. રાજ્ય સરકાર તેમજ મ્યુનિ. દ્વારા મળીને કોમર્શિયલ મિલકતોને 30 ટકા ટેક્સમાં રાહત અપાઈ હતી. પ્રોપર્ટી ટેક્સમાં ડિસેમ્બર સ્થિતિએ ગત ‌વર્ષની સરખામણી કરતાં સૌથી ઓછા 31 કરોડ પશ્ચિમ ઝોનમાંથી વસલાયા છે. ગત વર્ષે પશ્ચિમ ઝોનમાં 226.03 કરોડની આવક થઇ હતી. જેની સામે આ વર્ષે 194.91 કરોડની આવક નોંંધાઇ છે. ઉત્તર ઝોનમાં ગત વર્ષે 93.15 કરોડની આવક સામે 77.35 કરોડ થઇ છે. દ.પશ્ચિમ ઝોનમાં ગત વર્ષે 109.69 કરોડના આવક સામે 91.48 કરોડની આવક નોંધાઇ છે.