આયોજન:પ્રેમનું દર્દ અને ઈશ્વર અંગેનો વ્યંગ મરીઝની ગઝલના મુખ્ય વિષયો

સત્વ ઈવેન્ટ અને ગુજરાત સાહિત્ય અકાદમીના સંયુક્ત ઉપક્રમે મરીઝની યાદમાં ‘એના મિલનની ક્યાંક જગા હોવી જોઈએ’ ટાઈટલ પર એક કાર્યક્રમ યોજાઈ ગયો. જેમાં પ્રહર -સંપદા વોરા અને સાથી કલાકારોએ સંગીત પ્રસ્તુતિ કરી હતી. મરીઝની ગઝલો વિશે અશોક ચાવડા કહ્યું કે, ‘દુનિયા સાથેનો સંઘર્ષ મથામણ મરીઝની ગઝલોમાં સુપેરે અભિવ્યક્ત થયાં છે. તેમના સર્જનમાં ભાષાની સાદગી એ તેમનું જમાપાસું છે. કાર્યક્રમના સંચાલક સાગર શાહે કહ્યું કે, ‘પ્રેમનું દર્દ અને ઈશ્વર અંગેનો વ્યંગ મરીઝની ગઝલના મુખ્ય વિષયો છે. શરાબની લતમાં મરીઝ મીણબત્તીની જેમ ઓગળતા રહ્યા અને એમની શાયરી આપણને રોશન કરતી રહી.