અમદાવાદના બ્લેક સ્પોટમાં ઘટાડો:શહેરમાં અકસ્માત માટે પંકાયેલાં 22 બ્લેક સ્પોટ પર અકસ્માત અને મૃત્યુની સંખ્યા ઘટતાં 20 દૂર કરાયાં

અમદાવાદ12 દિવસ પહેલા
  • કૉપી લિંક
ફાઇલ તસવીર - Divya Bhaskar
ફાઇલ તસવીર
  • ઇસ્કોન સર્કલ, પકવાન ચારરસ્તા, સોલા ભાગવત જેવા સ્થળો બ્લેક સ્પોટ હતા

શહેરમાં અકસ્માત માટે કુલ 22 બ્લેક સ્પોટ હતાં. ઇસ્કોન સર્કલ, પકવાન ચાર રસ્તા, સોલા ભાગવત, કારગિલ પેટ્રોલ પંપ, વાડજ સર્કલ, ડમરૂ સર્કલ, નોબલ નગર, રબારી કોલોની, નરોડા પાટિયા સહિત 20 બ્લેક સ્પોટમાં અકસ્માતની સંખ્યા ઘટતાં મૃત્યુમાં ઘટાડો થવાથી તેને બ્લેક સ્પોટની યાદીમાંથી દૂર કરાયા છે. રોડ સેફ્ટી કમિટીમાં આવેલાં સૂચનોના આધારે કમિટીની એક ટીમ બ્લેક સ્પોટ પર સંયુક્ત તપાસ કરે છે. તપાસ બાદ બ્લેક સ્પોટ પરથી બમ્પ, દિશાસૂચક સાઇન બોર્ડ, ડિવાઇડર, વૃક્ષ વધુ પહોળા હોય તેમાં સુધારો કરાતા વાહનચાલકોની સુવિધામાં વધારો થતાં અકસ્માતમાં ઘટાડો થયો છે.

છેલ્લા કેટલાક સમયથી રોડ સેફટીની બેઠક મળી નથી. જેથી જિલ્લાના બ્લેક સ્પોટમાંથી કેટલાક દૂર થયા તેની વિગતો હજી જાહેર થઇ નથી. જ્યારે આરટીઓના આંકડા મુજબ શહેરમાં 22 બ્લેક સ્પોટમાંથી 20 બ્લેક સ્પોટ દૂર થઇ ગયા છે. હજી સોલા ભાગવત સર્કલ અને કારગીલ પેટ્રોલપંપ સર્કલના બ્લેક સ્પોટ પર ઓબ્ઝર્વેશન ચાલે છે. જેનો રિપોર્ટ રોડ સેફટીની બેઠકમાં રજૂ કરાયો હતો.

ડિવાઈડર પહોળું કરવાથી માંડી સ્પીડ લિમિટ જેવા પગલાંથી પરિસ્થિતિમાં સુધારો

બ્લેક સ્પોટથયેલા સુધારામૃત્યુ (2018)

મૃત્યુમાં ઘટાડો (2019)

ડમરૂ સર્કલડિવાઇડર મોટું કર્યું2નથી
નોબલનગર સર્કલત્રિકોણ બગીચાના વૃક્ષ અને સાઇડન બોર્ડ દૂર કરાયા2નથી
વિરાટનગર સર્કલફલાય ઓવર થઇ ગયો52
હાટકેશ્વરસાઇન બોર્ડ દૂર કર્યુ અને નો પાર્કિંગ ઝોનના બોર્ડ મુકાયા3નથી

અસલાલી બાયપાસ સર્કલ

સ્પીડ લિમિટના બોર્ડ મૂકીને વૃક્ષ ટ્રિમિંગ કર્યા115

​​​​​​​વર્ષમાં 5 વખત અકસ્માત થાય તો બ્લેક સ્પોટ કહેવાય

શહેરમાં કોઇપણ સ્થળે એક વર્ષમાં 5 વખત અકસ્માત સર્જાયા હોય અથવા એક જ અકસ્માતમાં 10ના મોત થયા હોય ત્યારે તે સ્થળના અંદાજે 500 મિટરના વિસ્તારને બ્લેક સ્પોટમાં મુકાય છે. આ પછી પોલીસ, ટ્રોફિક પોલીસ, આરટીઓ, આર.એન.બી., કોર્પોરેશન સહિત સંબંધિત ઓથોરિટીના અધિકારીઓ સ્થળ તપાસ કરે છે. ત્રણ વર્ષ સુધી અકસ્માતમાં મૃત્યુ નોંધાય છે કે નહીં? તેની નોંધ કરાય છે. જો મૃત્યુ થાય નહીં તો તેને બ્લેક સ્પોટમાંથી દૂર કરાય છે.

અન્ય સમાચારો પણ છે...