ખરાબ હવામાનની અસર:ઉદયપુરમાં એરપોર્ટ સુધી પહોંચ્યા પછી પણ લેન્ડિંગ ન થઈ શક્યું; મુંબઈ ફ્લાઈટ અમદાવાદ ડાયવર્ટ કરવામાં આવી

અમદાવાદ21 દિવસ પહેલા
  • કૉપી લિંક
ફાઇલ તસવીર - Divya Bhaskar
ફાઇલ તસવીર
  • 200 પેસેન્જરોને બાય રોડ ઉદયપુર મોકલાયા

રાજસ્થાનના ઉદયપુરમાં મંગળવારે સવારે હવામાન ખરાબ હોવાથી મુંબઈથી ઉદયપુર પહોંચેલી ઈન્ડિગોની ફ્લાઈટ ડાયવર્ટ થઈ અમદાવાદ મોકલાઈ હતી. થોડા સમય સુધી એરલાઈન્સ દ્વારા રાહ જોવા છતાં હવામાન ન સુધરતાં છેવટે ફ્લાઈટમાં મુસાફરી કરી રહેલા 200 પેસેન્જરોને બાયરોડ ઉદયપુર મોકલાયા હતા.

એરપોર્ટના અધિકારીઓના જણાવ્યા મુજબ મંગળવારે સવારથી જ રાજસ્થાનના કેટલાક વિસ્તારોમાં હવામાન ખરાબ થતા ફ્લાઈટ સહિત અન્ય પરિવહન સેવા ખોરવાઈ ગઈ હતી. જેના પગલે ઉદયપુર એરપોર્ટ પહોંચેલી ફ્લાઈટો પણ ત્યાં લેન્ડ ન થઈ શકી હતી. જેમાં સવારના સમયે મુંબઈથી ઉદયપુર જઈ રહેલી ફ્લાઈટ પણ લગભગ 7 વાગે ઉદયપુર પહોંચી હતી પરંતુ તેને લેન્ડિંગ પરમિશન ન મળતા થોડા સમય સુધી ફ્લાઈટે હવામાં ચક્કર માર્યા બાદ તેને અમદાવાદ ડાયવર્ટ કરી દેવામાં આવી હતી. જેથી આ ફ્લાઈટ સવારે લગભગ 8 વાગે અમદાવાદ એરપોર્ટ પર લેન્ડ થઈ હતી.

અહીં આવ્યા બાદ થોડા સમય સુધી રાહ જોવા છતાં ઉદયપુરનું વાતાવરણ ન સુધરતા આ ફ્લાઈટને અમદાવાદમાં જ કેન્સલ કરી દેવામાં આવી હતી અને તમામ પેસેન્જરોને બહાર કાઢી ખાનગી બસમાં તેમને ઉદયપુર મોકલવામાં આવ્યા હતા. સૂત્રોના જણાવ્યા અનુસાર એરલાઈન્સે ચા-નાસ્તાની વ્યવસ્થા કરી હતી.

અન્ય સમાચારો પણ છે...