• Gujarati News
  • Local
  • Gujarat
  • Ahmedabad
  • The Husband Performs 'all The Administration' On Behalf Of The Female Corporator; The Fact That 'Bhaskar' Called Women Corporators As A Citizen Regarding Road, Rainwater Problems

‘પતિ’ પાલિકા:મહિલા કોર્પોરેટર વતી ‘બધો વહીવટ’ પતિ પરમેશ્વર કરે છે; રોડ, વરસાદી પાણીની સમસ્યા અંગે ‘ભાસ્કર’એ નાગરિક તરીકે મહિલા કોર્પોરેટરોને ફોન કરતાં સામે આવેલી હકીકત

અમદાવાદ13 દિવસ પહેલાલેખક: શાયર રાવલ
  • કૉપી લિંક
ફાઇલ તસવીર - Divya Bhaskar
ફાઇલ તસવીર

થોડા વરસાદમાં પણ પાણી ભરાતા અને રોડ તૂટતાં ‘દિવ્ય ભાસ્કર’એ શહેરના એક સામાન્ય વ્યક્તિ તરીકે 48 વોર્ડના મહિલા પ્રતિનિધિઓ સાથે વાત કરી હતી અને સમસ્યા જણાવી હતી. આશ્ચર્યની વાત સામે આવી કે, મહિલા કોર્પોરેટર્સના ફોન તેમના પતિ ઉઠાવી રહ્યાં હતાં અને તે પોતે વિસ્તારના કોર્પોરેટર હોય તેમ વર્તન કરી રહ્યાં હતાં.

શહેરના 9 વોર્ડના મહિલા કોર્પોરેટરોનો મોબાઈલ તેમના પતિ અથવા દીકરા પાસે હતો. વિરાટનગરના કોર્પોરેટરના પતિએ પોતાને પીએ ગણાવ્યા હતાં જ્યારે સૈજપુર-બોઘા વોર્ડના એક મહિલા કોર્પોરેટરના પતિએ બીજા સહયોગી મહિલા કોર્પોરેટરના પતિ સાથે રાઉન્ડ લેવાનું આશ્વાસન આપ્યું હતું.

મ્યુનિ. ભાજપના એક સિનિયર કોર્પોરેટરે કહ્યું કે, આવું તો વર્ષોથી ચાલે છે. મહિલા અનામતની બેઠકો પર કાર્યકર્તાના ઘરમાં ટિકિટ આપવાની હોય ત્યારે મોટાભાગે તેમના પત્નીને અપાય છે. પછી ભલે પત્નીને કશું જ ખબર પડતી ના હોય. તમામ વહિવટ કાર્યકર્તા જ કરતા હોય છે. મહિલા કોર્પોરેટરનું તો નામ માત્ર હોય છે.

પતિ દેવોએ કહ્યું, તમારી વાત સાંભળી, આગળ વાત કરીશું

વોર્ડમહિલા કોર્પોરેટરશું કહ્યું
રામોલ-હાથીજણસુનિતાબેન ચૌહાણ

પતિ-દિનેશ ચૌહાણે ફોન ઉઠાવ્યો અને કહ્યું, અધિકારીને સોમવારે વાત કરીશ.

નરોડાઅલકાબેન મિસ્ત્રી

પતિ પ્રદ્યુમનભાઈ મિસ્ત્રીને ફોન આપી દીધો, પતિએ ફરિયાદ સાંભળી ઉકેલ લાવવા કહ્યું

વાસણાસોનલબેન ઠાકોર

પતિ ઝંખીલ ઠાકોરે ફોન ઉપાડ્યો અને કહ્યું અધિકારીને કહીં જોવડાવી લઉ.

ચાંદલોડિયારાજેશ્રીબેન પટેલ

પતિ ભાવેશ પટેલે ફોન ઉપાડ્યો, ફરિયાદ સાંભળી અને કહ્યું ઉકેલ લાવવા પ્રયત્ન કરીશું.

સૌજપુર-બોઘાવિનોદકુમારી ચૌધરી, રેશમાબેન કુકરાણી

પતિ સુરેશ ચૌધરીએ ફરિયાદ સાંભળી અને કહ્યું કે, આવતીકાલે રેશમાબેનના પતિ મનોજભાઈ અને હું બંને રાઉન્ડ લેવા આવીશું.

જોધપુરભારતીબેન ગોહિલ

દીકરાએ ફોન ઉઠાવ્યો કહ્યું, મમ્મી મિટિંગમાં છે તમારી જે સમસ્યા હોય તેના ફોટો અને વિગત મોકલી આપો આગળ મોકલી આપીશ.

ઈન્ડિયા કોલોનીપદ્માબેન બારોટ

પતિ સંજય બારોટે ફોન ઉપાડ્યો કહ્યું, 27 વર્ષથી પાણી ભરાય છે, નિરાકરણ લાવવા પ્રયત્ન ચાલુ છે.

વિરાટનગરસંગીતાબેન કોરાટ

પતિ ભરત કોરાટે ફોન ઉઠાવ્યો અને ફરિયાદ સાંભળી, તમે સંગીતાબેનના પીએ છો તો કહ્યું, હા હું તેમનો પીએ છું.

ગોમતીપુરકમળાબેન ચૌહાણ

દીકરાએ ફોન ઉઠાવ્યો કહ્યું તમને જે તકલીફ હોય મને વોટ્સએપ કરી આપો, ઈશ્યુ સોલ્વ થઈ જશે.

અન્ય સમાચારો પણ છે...